Re: [lojban] Objectivism

["Jorge Llambias" <jjllambias@hotmail.com>]

la adam cusku di'e

> .i pe'i la
> rand tersmu le du'u ro da du da kei goi ko'a le du'u le munje cu
> ga'anai zasti

i ju'ocu'i bau la lojban la rand ka'e cusku lu ro zasti
cu dunli zasti ro da li'u

> .i la'a drani .i ku'i pamai mi na ka'e birti .i remai na'e
> cinri ki'u le nu tezu'e le nu djuno da fi le munje cu bilga le nu te
> sidbo da .i le sidbo na'eka'e du le se sidbo .i a'o le sidbo roroi
> jbize'a le se sidbo gi'eku'i noroi mulno le ka du le se sidbo

i u'i la rand jinvi le du'u do palci gi'e
zukte le zekri pe la platon


> .i ji'a pe'i le logji eja'ebo la lojban cu selcmu ko'a .ija'ebo zdile fa
> le nu pensi bau la lojban secau le nu sruma ko'a

i pe'i ko'a logji jetnu i le logji cu tutci le nu racli pensi kei
gi'enai jicmu lo se pensi ciste i le logji po'o cu nibli noda
poi cinri i le du'u rode du de cu nibli no cinri

i a'u do ka'e pensi mamu'a bau la lojban secau le nu sruma
ko'a i la lojban dunli ro drata bangu le ka bau ce'u frili
fa le nu cusku lei nalracli a lei nalylogji jufra

i ii le du'e zei selmo'u (duvyselmo'u?) ba citka mi

co'o mi'e xorxes


______________________________________________________
Get Your Private, Free Email at http://www.hotmail.com