Re: [lojban] Objectivism

["Jorge Llambias" <jjllambias@hotmail.com>]

la adam cusku di'e

> .i li'a go'i .i ku'i la rand e la platon srera to la'a zo'o toi

i ie pagbu srera gi'e pagbu drani

> .i ry birti
> .ija'ebo ro frica be le seljinvi be ry cu nibli le nu srera jela'a palci 
> kei du'o ry

i go'i i la rand tsali prenu gi'e nalfraxu jinvi
i le nu ry banli cu mligau lei ry srera i ku'i pe'i
le nu su'o le ry selyli'e cu za'o gasnu le mintu
srera cu bebna gi'e seldri

> .i ru'a le munje cu gunma lo'i ficysi'u mutyjavdai poi zasti secau le
> nu zgana ke'a to di'u smuni ko'a toi .iseni'ibo ro da ro de zo'u da du
> de gi'onai na du de .ije no da ro de zo'u da ge du de gi na du de to
> le jboge'a pe tainai le glige'a cu xusra re le di'u selxu'a toi

i ienai i genai le jboge'a ginai le glige'a cu xusra la'e di'u
i lu su'o da na du da ije su'o da du ro de li'u cu gendra
i na lojdra i ku'i ja'a jbogendra

> .i mi djica le nu cusku lu troci le nu pensi li'u .i mu'a ro da ro de
> zo'u da ka'e du ge de ginai de .i le gerna cu xusra le du'u di'u na
> drani

i oi ienai i le gerna cu xusra noda pe sera'a le di'u ka logji
drani i le gerna cu mulno zanru le di'u jufra

> to ro da ro de zo'u da ka'e du de .ijenai da ka'e du de toi
> .i ku'i pe'i drani ki'u le nu le munje cu na'e gunma lo'i ga'anai
> mutyjavdai to no la'e da ca'a zasti toi

i cinri jvinu i ku'i le gerna be la lojban ca'a curmi
le nu cusku jy

> > i ii le du'e zei selmo'u (duvyselmo'u?) ba citka mi
>
> .i ki'a

i ko tcidu lu guzme stasu li'u pe la xelsm
i le duvyselmo'u cu citka ro da poi dukse le ka racli

co'o mi'e xorxes



______________________________________________________
Get Your Private, Free Email at http://www.hotmail.com