[Anecdote #22] barda bloti

[Yanis Batura <ybatura@mail.ru>]

lo gleve'u goi ko'a ba'o jajgau loi jdini tezu'e lo nu litru fi
lo barda je blanu bloti kei noi ze'u se senva ko'a
.i caku ko'a litru le di'u bloti
.i spaji krasi lo tsali ke xamsi cicti'a .ije le bloti co'a jacnitkla
.i ko'a jimpe lo du'u ko'a bazi djacu mrobi'o kei gi'e mutce badri
gi'e co'a cevycpe fi lu
  doi cevni mi djuno lo du'u mi gasnu so'i jdazei .i mu'i lo se go'i
  do sfasa mi .i ku'i mi na jimpe lo mukti be lo nu do sfasa loi drata
  prenu poi zvati lo vi bloti
li'u .i le cevni cu spusku lu
  u'isai mi ba'o .ui jajgau do joi loi mintu be do vi le vi bloti ze'u ci
  nanca