tcetsa bo brife je snime .ije klama le spita

[Stephen David Simmons <ssimmons@pcisys.net>]

ni'o lenu klama le spita ca lenu tcetsa bo brife je snime cu simlu binxo 
fadni lemi lifri .i letinu spita litru kei pu platu .i lemi traji bele 
kamni'o be'o bersa noi ke'a jmive nanca li ci gi'e selcme la tcas. ku'o 
pu fenra le gapru birka bongu .ije le pe la tcas. bogmikce goi fo'a cu 
zgana leza'i le bongu cu naldrani le ka sezycikre je rapybanro kei kei 
gi'e cpedu selcru lenu stika le bongu kamsirji gi'e setca le cmagarna le 
bongu .i de'i le clira purlamdei cerni lenu fo'a cu bongu cikre cu mulno 
.i mi'o cu selfu'a lenu le cikre mulno cu cabna le tcetsa bo brife je 
snime cfari .ije mi'o klama le zdani pu lenu le ralju dargu cu ganlo 
file karce .ija'enai leza'i tcetsa cuncarna je snime brife cu zunti 
lepu'u karce sazri kei .e leza'i ru'inai rinka lenu mi tolkakne mlidarno 
viska

ni'o ca le cabdei cerni mi zbasu terpixra fele snime derxi fi'o jibni 
lemi zdani gi'e lasna le pixra leti selmri .i le mregarna ne'i le pixra 
cu cixamei merterminli clani .i le traji beleka barda be'o snime derxi 
cu mitre li piso'a re

mu'o mi'e stifynsemons.