Re: Numbers

[jorge@PHYAST.PITT.EDU]

>.iku'i lipisu'opi2 na.e lisu'opi2 ka'e zmadu li1
 
i mi na nelci lu li pisu'opire li'u  i ku'i seva'u do mi ba jmina di'e
 
<fractionator> = pi ( <quantifier> | (su'o|su'e|me'i|za'u) <real0> )
 
 
> > 2- Either {fi'u} or {ka'o} has to have higher scope than the other,
> >    otherwise {1fi'u2ka'o3} would be ambiguous between .5+3i and
> >    1/(2+3i).
>
> no'i pe'i na go'i .i mi jimpe ledu'u lo zunle cu lidne lo pritu faulonu
> vamji pajni .i na sosyselsmu no'imu'a
>    lu 1fi'u2ka'o3 li'u se fanva fuzoi my. (1/2)+3i .my.
> .i lu 1ka'o2fi'u3 li'u se fanva fuzoi my. (1+2i)/3 .my.
> .i lu 1fi'uvei2ka'o3 li'u se fanva fuzoi my. 1/(2+3i) .my.
 
i oisairo'e
i ji'a lo'u 1fi'uvei2ka'o3 le'u na gendra
i zo fi'u zo ka'o na dunli le ka vamji  i ckaji frica
 
> no'ipe'i mi tugni la djan. .i pe'i lu .abu bi'i by. li'u smuni ke banzu
> simsa lo me do
 
i na go'i  i li pano bi'i li reno cu sirji  i li panoji'ireno cu namcu
i mutce frica
 
> .i to xu cumki falenu pilno lo cmavo bezo joi tu'a lo se
> simjorne belo namcu toi
 
i go'i  i ku'i na sampu  i mi na ciksi bau la lojban
 
> .i mi djuno ledu'u do jinvi ledu'u zo bi'i
> selsmu pa jenai pisu'o lo kuspe jenai lo cmima belo kuspe .i mi jinvi
> ledu'u nibli va'o lo se klani ledu'u de'u te jimpe tu'a pa cmima be
> la'eri be'o poi na selsku
 
i mi na birti le du'u do cusku makau  i zo bi'i na ka'e se pilno fi
la'e zoi gy quantifier gy  i na gendra
 
> .i gliban cusku zoi gy. 20, 30 cars .gy.
> .ipa'abo lojban cusku lu 2li'i5 karci li'u
 
i ki'a  i lo'u 2bi'i5 le'u na gendra
 
> .i ku'i gliban cusku zoi .gy. between 20 and 40 cars .gy. .enai zoi gy.
> 20, 40 cars .gy.
> .ipa'abo lojban cusku lu 20 bi'i 40 karci .gy.
 
i na gendra
i mi cusku lu 20ji'i40 karci li'u
 
> co'o mi'e. goran.
 
co'o mi'e xorxes