Re: ka cteki...

[jorge@PHYAST.PITT.EDU]

la kris joi mi casnu lo'e cteki

> .i ki'u ma paunai .i le cecmu cu nitcu lenu ro cmima cu se ctuca ki'u lenu
> le se cecmu cu nitcu lenu le drata selcecmu cu se ctuca

i go'i

> .i da'i le se cecmu
> cu racli gi'anai ctuca le drata se cecmu

i da'i le cecmu cu ki'oki'omei i le se cecmu na ka'e ctuca
ro le drata se cecmu  iseki'ubo lei se cecmu su simxu le nu tugni
fi le nu jajygau le jdini tezu'e le nu zbasu lo ckule
i le nu cteki cu tadji le nu jajygau le jdini

>.i le pamei cu ponse le jdini poi
> banzu ro prenu na.e so'u prenu

i no pamei cu bilga le nu zbasu le ckule  i le mulno cecmu
cu pleji fo ra

> .i va'i: le po'o nu lei nalracli prenu cu zasti kei cu ve ciksi lo'eka cteki

i pe'i le nu cteki cu mutce ja milxe racli tadji le nu ganzu

> >i ki'u ma  i le cecmu cu te cteki gi'e ve cteki
>
> .i do drani .i mi smuni di'e:

oi oi oi oi oi do ba'e na smuni di'e  i do djisku di'e

> .i pe'i lu'i ro te cteki prenu cu na mintu lu'i ro ve cteki prenu

i na ca'a mintu i ku'i ka'e mintu ja simsa

> >i sa'e le cecmu cu ve cteki fi le cmima
>
> .i go'i
>
> >> .i ne'i lo'e gubnyturni vy. cu su'opimu loi seltru
> >
> >i xu do na krici le du'u lei prenu cu turni lei prenu
>
> .i lei prenu ki'a

i zoi gy The People gy  i xu do na krici tu'a la'e zoi gy by the people,
for the people gy

> .i di'u cinri .i da'i pa prenu cu turni da'a prenu seki'u lenu jetnu falenu
> lei prenu cu turni lei prenu

i pe'i na go'i  i le gunma na ckaji ro le se ckaji be ro le se gunma
i le du'u pa prenu cu turni na nibli le du'u lei prenu cu turni

> .i da'i pisu'opimu prenu cu turni pisu'epimu
> prenu seki'u lenu jetnu falenu lei prenu turni lei prenu .i da'i ro prenu cu
> turni vo'a seki'u lenu jetnu

i na go'i  i pe'i na cumki fa le nu ro prenu cu turni ro prenu i kalsa
i cumki fa le nu lei ro prenu cu turni ri ta'i le nu ganzu

> ni'o da'i pilno zo lei .a zo cecmu .inaja le tcila cu se mipri

ki'a?

> .i da'i na
> pilno lei gunma le drata tcila cu se mipri .i nandu nabmi

i zo'o nandu nabmi mi fa le nu jimpe le du'u do djisku makau

> .i .u'u mi srera .i zo seldunda cu na drani
> .i mi na ka'e frili fricygau bau la lojban le te bilga poi na ba'o bapli le
> bai te bilga
> .i pe'i le cteki dunli le bai te bilga ke se pleji .i zoi gy. dues gy. mintu
> le cteki leka bilga .enai leka le te bilga ba'o bapli
> .i pe'i zo selpleji cu na drani ki'u lenu naku roroiku da ve pleji

i pe'i le cteki na bapli te bilga ke se pleji  i ri se pleji fo le nu
cmima le cecmu

> >> .i lo'enu cteki cu flalu
> >
> >i go'i  i va'o lo prane munje le te flalu cu mintu le xe flalu
>
> .i prane naje cizra ke munje .i le seltru cu roroi tugni xu

i mi djisku le sedu'u lei prenu cu te flalu gi'e xe flalu

> >> .i lo'e flalu cu na sarcu secau lo'e zerpre
> >
> >i cizra  i ki'u ma  i lei flalu cu sarcu le nu ganzu
>
> .i le jdari be le ve ganzu cu zerpre naje mo

i ie zerpre i ku'i lei flalu cu ji'a se pilno secau lo'e zerpre
i le nu lo racli prenu cu naltugni lo racli prenu cu cumki
i lei flalu cu se pilno fi le nu facki lo danfu be le nu naltugni
i le naltugni na zerpre  i le racli naltugni cu toljdari le se
jdice

> >i le cteki cu binxo ma
>
> .i zoi gy. dues gy.

i mi na jimpe le du'u makau te frica

co'o mi'e xorxes