Re: Lojban question (fwd)

[jorge@PHYAST.PITT.EDU]

> .i mi ca jijnu lo so'emei lo gerna .i ku'i mi so'e valsi naku djuno .i
> la'edi'u la'ede'u fanta .i mi na'o nitcu lenu sisku lo valsi lo vlagri
> gi'e punai lonu facki befi ra kei na cumki lenu mi sanji ledu'u makau
> terge'a le jufra poi mi ciska

i mi se nabmi le mintu  i mi na se slabu rau valsi  i ku'i mi ca jimpe
lo mutce zmadu  i le nu rapygau cu rinka le ka certu  i le nu tcidu
da poi ciska lei drata cu mutce sidju mi le nu cilre  i au lo prenu
za'uso'umei cu ciska bau la lojban

> ni'o sera'a loi trugri pe'i ri gasnu tu'a so'i palci .enai tu'a rori
> no'i pe'i lo palci cu so'imei .i paunai lo ka palci cu xomei .i ji'a le
> trugri cu rorci ro ka palci ba'e ma

i zo'o le trugri cu gletu so'i da  i seki'ubo ty rorci fi ji'a so'i da

> .i .e'unai.i'enai malropno .i mi
> xenru lenu tolvaipante .i ku'i da .ei go'i

i e'o ko ca'o pante  i ie da ei go'i  i xu do zmanei le nu mi cusku
lu le trugri cu krasi ro palci li'u

> > > ni'o to mu'i lo na se djuno be mi mi mi ciska zo pu'o voroi tu'a dei .i
> > > tu'a mi mi cfipu toi
> >
> > i pe'i do ciska du'e zo mi do'e di'u  i cfipu mi
>
> .i go'ira'o .i de'u nitcu vo zo mi .i ta'o lo'u vo zo mi le'u ka'e xu
> selsku

i go'i i ki'u ma naku go'i  i drani (to ji'a do ca'a cusku iseki'ubo
ka'e cusku toi)

co'o mi'e xorxes