Re: [lojban] Objectivism

["Jorge Llambias" <jjllambias@hotmail.com>]

la adam cusku di'e

>.i ji'a mi jundi viska le jicmu be le selji'ici'e
>vi la'o zoi http://www.aynrand.org/ zoi

i mutce cinri stuzi i ki'edo'u

>gi'enai tugni .i mu'ara'u la
>rand xusra le du'u ro da du da to abu du abu toi .i mi na tugni

i oiro'e i ma mupli le ka ce'u na du ce'u i mi la ain rand
na tugni roda i ku'i xu racli fa le nu senpi le du'u
ro da du da i ue uanai ma smuni zo du

>.i pe'i
>selpilno nunsapygau gi'e na'e roroi jetnu

i pe'udo'u ko jarco lo nafmupli

>.i ku'i cinri fa le nu mi tugni
>le selcmu .i cu'i le jicmu cu na sarcu le nu jinvi le selcmu

i cinri fa le nu mi zanru le jicmu gi'e ku'i na tugni
su'o le selxu'a selcmu i mi tcidu lo selsku be la'o
gy Leonard Peikoff gy noi ke'a skicu ke'a fo le flalu
je sidbo cerda be fi la rand i pe'i rigni i lypy krici
le du'u le ka racli cu nibli le ka birti kei gi'e fapro
le ka senpi i pe'i la'e di'u na racli i pe'iji'a le nu
traji ke marde pajni na racli i ku'i mi nelci so'i
le sidbo be la rand

co'o mi'e xorxes

______________________________________________________
Get Your Private, Free Email at http://www.hotmail.com


------------------------------------------------------------------------
Special Offer-Earn 300 Points from MyPoints.com for trying @Backup
Get automatic protection and access to your important computer files.
Install today:
http://click.egroups.com/1/2344/2/_/17627/_/955407536/
------------------------------------------------------------------------

To unsubscribe, send mail to lojban-unsubscribe@onelist.com