[lojban] lisri pagbu remoi

["Jorge Llambias" <jjllambias@hotmail.com>]

i lu do djuno le du'u mi terpreti makau doi pedrot i la melnak
pu nupre le nu my ti klama ca le ca nicte li'u i le ninmu cu
xanka danre le sigycma bu'ufa'a le sigyfesti vasru ja'e le nu
toljelca i ny cusku lu ai mi caco'aze'eba na damva'u i ta pu
romoi le romoi li'u i ny seplygau le vasru ny gi'e selrigni
frumu i la pedrot cu lafti le kabri i lu xamgu do li'u i ba
lo temci py jmina lu i xamgu mi ji'a i ei mi na curmi le nu
damva'u vi le barja li'u i lu oi ko na galfi le selsnu doi
pedrot i pe'ipei my ba klama li'u i lu y my ki'a i uasai
la melnak li'a li'u i sepi'o lo dukse tonga py di'a cusku
lu dirba prenu li'u

to ba zmadu toi

co'o mi'e xorxes







________________________________________________________________________
Get Your Private, Free E-mail from MSN Hotmail at http://www.hotmail.com


------------------------------------------------------------------------
WRITERS WANTED! Themestream allows ALL writers to publish their 
articles on the Web, reach thousands of interested readers, and get 
paid in cash for their work. Click below:
http://click.egroups.com/1/3840/3/_/17627/_/959031012/
------------------------------------------------------------------------

To unsubscribe, send mail to lojban-unsubscribe@onelist.com