Re: [lojban] lo selpei pe loi termi'e pe'a

["Jorge Llambias" <jjllambias@hotmail.com>]

la adam cusku di'e

> i loi bridi poi vasru zo ko na'o selme'e lo termi'e i mu'inaigiku'i mi
> jinvi le du'u la'a nalsatci cmene gi mi vi pilno mu'i le nu frili

i tota'ora'unai ba'e zo termi'e cu cmene by i lo termi'e du mu'a
la'e lu ko ti klama li'u noi ke'a na na'o cmene by toi

[li'o]
> i ja'ope'i le
> smuni be zo ko cu me zo do poi selcni seltcita lo cmavo be zo ui
> to poi so'iroi nalselsku toi

i ie pe'i drani

> i po'onai lei cmavo poi me'o ebu lerfu
> pamoi

i ku'i so'eroi ja'a co'e

> i mu'a zo ai e zo a'o e zo i'e ka'e tcita fi lo nu minde

i mi na birti i li'a ka'e jmina la'e zo a'o le nu minde
i ku'ipe'i lu ko a'o ti klama li'u lu do a'o ti klama li'u
na mintu i le pamoi cu vasru lo zmadu

> i pe'i
> piso'a loi selcni tcita poi ficygau le nilje'u be le bridi to selme'e
> la'ozoi Propositional Attitude Indicators zoi le cukta toi ka'e tcita fi
> lo nu minde

i cumki i eipe'i ma'a za'o tadni le cuntu i cinri

> i je'u ca le nu cusku zo ko kei so'uroi
> platu le nu minde i laknymau fa le nu cpedu e le simsa

i iesai le nu cpedu i iecu'i le nu pacna

> i ku'i mi na birti le du'u makau mapti ke selcni tcita fi le tcaci smuni
> be zo minde i e'uru'e lu eidai li'u

i mi pu so'iroi janli le mintu se claxu i mi pilno zo ei

> i cu'i ma'a pejgau le
> smuni be zo minde le nu vasru loi cpedu e le simsa i le terbri cu
> mapti

i la'edi'u mi pluka i ka'e pilno zo ca'irminde le nu cusku
le steci smuni

co'o mi'e xorxes



________________________________________________________________________
Get Your Private, Free E-mail from MSN Hotmail at http://www.hotmail.com