Re: [lojban] Re: Eating glass, events ...

["Jorge Llambias" <jjllambias@hotmail.com>]

i la maikl cusku di'e

> .ue .u'e .uanai .i fu'e.e'u ma'a na sutra dukse fu'o zo'o

i li'a na go'i i masno je snura

> .i xu
> cumki falenu do na pilno zo .ei le selsmu be lu mi bilga li'u

i cumki gi'e fasnu i mi pilno zo ei le nu sinxa le nu
la'e le jufra cu se bilga enai le nu mi bilga la'e le jufra

> .ija na pilno zo .e'a le selsmu be lu mi curmi li'u

i la'e le jufra cu se curmi i i'a so'iroi le curmi du le cusku

> .ija na pilno
> zo .e'i le selsmu be lu mi tinbe li'u

i pe'i mi noroi pu pilno zo e'i i mi na birti le du'u xukau
mi jimpe i cinri fa le nu ckini zo tinbe i ai mi ba jersi
le sidbo

> .ija na pilno zo .e'o le
> selsmu be lu mi cpedu li'u

i la'e le jufra cu se cpedu i i'a ta'eku le cusku cu cpedu
fi le tercusku

> .ija na pilno zo .e'u le selsmu be lu
> mi stidi li'u

i si'a la'e le jufra cu se stidi i le cusku cu stidi fi
le tercusku

> .i to'u do bilga lenu pilno zo .e'e le selsmu be lu
> mi kakne li'u

i ienai i pe'i zo e'e na ckini zo kakne i pe'i ra sinxa
le nu la'e le jufra cu se sarji i le cusku cu tsagau
le tercusku la'e le jufra

i to'unai ca'e ko'a goi la'e le selsku poi se tcita
i zo ei lu da bilgygau de ko'a li'u i zo e'a lu da curmi
ko'a li'u i zo e'e lu da sarji ko'a li'u i zo e'o lu da
cpedu ko'a de i zo e'u lu da stidi ko'a de li'u i la'e
zo da ta'e mintu le cusku i la'e zo de ta'e mintu
le tercusku noi zukte ko'a

> .i ku'i .e'edai do pilno zo .e'e le drata .ijebabo
> datselsmu naja nitcu

i e'u pilno lu e'ese'i va'o le nu le cusku cu djica
le nu sevzi nurcnigau

co'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.

Share information about yourself, create your own public profile at 
http://profiles.msn.com.