Re: E-series emotionals, Was: [lojban] Re: Eating glass, events ...

["Jorge Llambias" <jjllambias@hotmail.com>]

la maikl cusku di'e

> .i jarco ko'agoi ledu'u lebi'unai
> ciste befi le selcni sinxa pu'i zukte seja'i le prane joi
> drata poismu

i le ve ciksi be le ciste na vajrai i vajni fa le nu
tugni fi le du'u makau smuni makau i pe'i mi do tugni
le du'u lu e'u broda li'u smuni le du'u le cusku cu stidi
le nu broda kei le tercusku i iepei i pe'i zo e'u na sinxa
lo selcni be le cusku i sinxa lo selstidi be le cusku
i xu do jinvi le du'u lo'e se stidi cu se cinmo
i si'a zo e'a zo e'o zo ei i na srana le nu cinmo
i so'o le cmavo be zo ui cu sinxa le nu cinmo i ku'i
so'e ra na go'i

i ni'o ta'o mi vimcu le glico kansa be le do pinka ki'u
le nu pe'i zunti le smuni be le lojbo selsku i gy vlile
setca lo fange

> .iku'i ko'a genai simsa le drata
> sinxa ginai mapti le cukta mupli poi se tcita li cipibi ce'o li
> cipipare

i pe'i ja'a mapti i le nu do sazri le karce cu se curmi
i le nu mi tisna le karce ctilyvau cu se bilga i le nu
do do kurji cu se cpedu i le nu do klama le panka cu se stidi
i le zo e'e mupli cu cizra va'o ro ciste

i lei cukta mupli na sidju le nu jimpe lo lujmau
i mu'a zo ei va'o le nu le cusku na zukte
i lu ei le nixli cu klama le ckule li'u smuni le du'u
le nixli u le cusku cu bilga le nu klama le ckule

> .iku'i lo selcni smuni cu frica lo
> minde smuni gi'e mi jinvi ledu'u na xamgu falenu pilno le mixre va'o
> lepa ciste

i ie ja'a frica i le cmavo ciste cu srana lo selcni eji'a lo drata

co'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.

Share information about yourself, create your own public profile at 
http://profiles.msn.com.