Re: ko kau?

["Adam Raizen" <araizen@newmail.net>]

la xorxes cusku di'e
 
> i mi na jimpe le do preti i mi pu skudji le sedu'u ma'a pilno
> zo nu le nu sinxa da poi ka'e na ca'a fasnu
> 
> >.i lu mi djica le nu do klama le zarci
> >li'u na nibli le du'u do ca'a klama le zarci
> 
> i ie ki'u la'e di'u mi xusra le du'u lei fasnu cu frica lei
> drata dacti le ka makau sinxa ce'u pi'o ma'a i ro mlatu
> ca'a mlatu i xu ro fasnu ca'a fasnu

i pe'i na frica i ro ca'a mlatu enai ro ka'e mlatu ca'a mlatu i si'a
ro ca'a fasnu enai ro ka'e fasnu ca'a fasnu i ro bu'a zo'u ro nu bu'a
kei cu ka'ejuca'a fasnu i pe'i piso'a la'ozoi events zoi pe le lojbo
gerna cu ka'e fasnu gi'enai ca'a fasnu

i to xu lo'e fasnu ka'e dacti i mi za'o na jdice toi

> > >         la djan cu stidi le nu e'ukau mi klama le zarci
> >
> >cizra tadji le nu cusku le sedu'u dy. stidi le nu mi klama le zarci
.i lu 
> >e'u kau li'u na sidju fi le ka jimpe
> 
> i mi do na toltugni i ma'a se tcaci le nu medi'umoi pilno i ku'i
> pe'i le mi te ciksi cu logji smuni zo kau

i le se stidi smuni be zo kau cu cinri i mi ca'o pensi le go'i

mu'o mi'e adam