Re: [lojban] ganai, gi (was: Lessons)

["Jorge Llambias" <jjllambias@hotmail.com>]

la xod cusku di'e

> .ie .i ku'i do casnu le kamfatci .i ku'i mi casnu le selsruma logji jufra

i u'i do pu xusra za lo masti be li so'o le du'u ro na'e fatci
cu na'e se smuni ije'i mi srera le nu morji

> .i zukte le pu'u cusku lu de jetnu va'o le du'u da jetnu li'u kei le mu'e
> xusra le 2mei
>
> .i le 1moi zo'u le du'u da jetnu kei nibli le du'u de jetnu
> .i le 2moi zo'u le du'u de jitfa kei nibli le du'u da jitfa

i le pamoi le remoi cu mintu le ka smuni

> .i ku'i le cmalu ke logji cartu cu prane cusku la'e di'u .enai le terzenba
> ja terjdika

i ro da poi ricfu gi'e gleki zo'u da ricfu nagi'a gleki
i ro da poi ricfu nagi'e gleki zo'u da ricfu nagi'a gleki
i ro da poi ricfu nagi'enai gleki zo'u da ricfu nagi'a gleki
i no da poi ricfu gi'enai gleki zo'u da ricfu nagi'a gleki

i va'o le nu do cusku lu ko'a ricfu nagi'a gleki li'u mi kei
mi cilre le du'u ko'a ga ricfu gi'e gleki giga ricfu nagi'e
gleki giga ricfu nagi'enai gleki i pe'i na mutce le ka cinri
i do mi na tavla le du'u ko'a da'i gleki va'o le nu da'i ko'a
ricfu

> .i ja'o mi'a no'e logji je bebna le zu'o pilno zo va'o

i ienai i ku'i e'e do pilno le do se djica i do lu ganai li'u
genai ca'o pilno gi casnu po'o

> .i .ui
> .o'u ji'a mi'a di'a pilno zo va'o le si'o vanbi .enai le su'u logji

i li'a i lu ko'a da'i gleki va'o le nu da'i ricfu li'u srana
le du'u vanbi enai le du'u logji

mu'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.