lenu ctuca zu'i po le remoi ckule fo la lojban e loi se zbasu bangu

[Rob Speer <rob@twcny.rr.com>]

ni'o pamai cumki fa ledu'u do na djuno la'edi'e .i mi ve ckule lo remoi ckule
.i mi cmima le'i romoi nanca ve ckule

ni'o baku ca le pavma'i ro cilre befi lu "lei citri je stura be loi bangu" li'u
ku goi ko'a noi mi cmima lu'ike'a cu skicu pa se casnu pe loi bangu lei cilre
lo nu tavla poi mentu li 45 .i mi ba skicu la lojban

ni'o re ko'a jdice ji'a lenu skicu lo se zbasu bangu .i pa pendo be mi  ba
skicu la kuenias goi la'o ky Quenya ky .i pa drata goi la alen ba skicu la
esperanton .i le nu tavla pe ebu cu balvi le nu tavla pe la lojban .i ju'ocu'i
ba cinri ri'a la'edi'u

ni'o mu'i ledu'u mi'a skicu ci se zbasu bangu kei e ledu'u mi djica ji'a lenu
tavla fi loi citri be la loglan joi la lojban kei la dak poi ctuca cu jdice
ledu'u mi ba skicu re se casnu ca re mentu be li 45 .i le
pamoi se casnu cu me lei citri be loi se zbasu bangu .ije le remoi cu me lei
jicmu be la lojban .i ri'a ledu'u vimcu fo so'u djedi fi le xabna'a kei lemi
pamoi nu tavla cu purci le cando temci pe la xrismas

ni'o ja'ebo mi skicu lei citri be loi se zbasu bangu de'i li pi'e 12 pi'e 21 .i
xu do stidi lo bangu poi mi skicu lei citri be ke'a .i mi ca pensi la volypuk e la
esperanton (to mi sutra skicu ebu ki'u ledu'u la alen ba zmadu skicu ebu toi) e
la interlinguas e la loglan ju'o e la lojban ju'osai .i ji'a do stidi xu lo se
sitna befi lei citri be la loglan .i to mi djuno piso'o zu'i lei citri be la
lojban ki'u lenu mi pu tcidu so'i le karni pe la ju'ilobyplis toi

.i ki'edo'u

----

[Yes, I'm setting myself up to be ignored by posting in Lojban. I'll post again
in English if I don't get a satisfactory response.]

["ni'o ja'e bo" is now right up there with "ka'enai" on the list of things that
have no reason not to parse. Deal with it.]

--
la rab.spir
noi na'e ctuca fi zo gumri