[Date Prev][Date Next][Thread Prev][Thread Next][Date Index][Thread Index]

Re: [lojban] Re: Le petit prince - V


la djorden cusku di'e


> -- i je'usaipei lo'e lanpanzi cu citka lo'e dzispa

  tosa'a pau zo dzispa frica zo srasu ma toi


i pe'i zo dzispa cu zmadu fi le ka tolsteci i so'e spati poi na
tricu gi'e na cpare cu dzispa


> ni'o mi fa'irgau le cmalu noltrube'a le du'u lo'e tricrbaobabu genai
> dzispa giku'i tricu co barda tai lo'e malsi kei e le du'u va'oji'asai
> le nu da'i ny bevri piro lo xanto so'imei kei le so'imei na mo'u co'e
> su'opaji'asai tricrbaobabu

  .i pamai mi jinvi ledu'u le tai selsku po'u zo le zi'e pe zo xanto
  cu na drani .imu'ibo mi sruma ledu'u la'e lu le so'imei li'u cu
  dunli la'e lu lo xanto so'imei li'u .ibo ju'o na tcaci fa lezu'o
  galfygau zo lo zo le tai loi rarna bangu peva'o zoi gy. a .gy.
  .e zoi gy. the .gy.


i ku'i no drata cu mapti i le cusku na pensi lo steci xanto iseki'ubo
zo le na mapti le pamoi i le remoi cu sinxa le da'i se bevri enai
lo cunso xanto


  .i remai mi na djuno ledu'u paukau do smudji makau poi srana zo
  co'e


i mi smadi tu'a zo citka i ku'i le se fanva na satci xusra


  .ibo ru'a leza'i ny. ka'e bevri piro lo xanto so'imei cu na
  jetnu .ibo xu le jufra cu xusra ledu'u ni'i gi da'i ny. ka'e bevri
  lo xanto gi ny. ka'e bevri su'o barda tricu


i ro mu'ei le du'u ny bevri lo xanto so'imei le plini kei lei xanto
naku mo'u citka su'opa tricrbaobabu


  .i mi milxe cipfu gi'e kasta'a .i .u'u
  toi


i ie pluja jufra i mi pensi le du'u xukau krefu finti


> ni'o le sidbo be lo'e xanto so'imei cu cmilygau le cmalu noltrube'a

  tosa'a .ipau le gadri pe zo xanto cu se galfi za'ure'uku mu'i ma toi


i le smuni cu sarcu la'e di'u i pe'i na cizra


> -- i lo'e tricrbaobabu zo'u pu le nu banro kei ty cfari fau le nu cmalu

  tosa'a
  .e'u nu'ige zo tai zo fau nu'ugi zo za'i zo nu cu zmadu va'o di'u
  .i pe'ipei
  toi


i mi na pilno zo za'i i pe'i zo nu banzu i ji'a pe'i zo fau mapti
ki'u le du'u le tricu ca'a cmalu ca le nu cfari


> i ny mi spuda lu ie li'a li'u tai le nu frili se jimpe i mi nitcu
> lo nandu ke mensi nuntoi le nu mi nonkansa jimpe fi le nabmi

  tosa'a .i .y. na jimpe tu'a lo mensi poi nitcu ke'a toi


i oi u'i zo menli
> ni'o je'u zvati le terdi be le cmalu noltrube'a tai le nu zvati ro terdi kei 
> fa loi xamgu srasu e loi xlali srasu i seni'ibo go'i fa

  tosa'a
  .i ru'a naku ro terdi cu se zvati loi srasu .i kadje ko fi loi
  nu fanva le tai selsku .enai le drani smuni be ri .i .e'u zo le'e
  .a zo lo'e basti zo ro .i pe'ipei
  toi


i pe'i ei lo'e fanva lo'e se fanva cu fanva gi'enai dragau i le
nu dukse xusra cu tcaci tadji le nu basna


> lo xamgu tsiju be lo xamgu srasu be'o e lo xlali tsiju be lo xlali
> srasu i ku'i lo'e tsiju na ka'e se viska i ty sipna ne'i le se mipri
> be le terdi co'u le nu sidbo fi pa boi ty fa le nu ty cikna binxo
> ibabo ty preja gi'e catke fau le nu toldarsi ca le cfari kei fa'a
> le solri lo cmalu ke tolckape jicycma i va'o le nu jicycma lo'e

  tosa'a xu do .eidai cusku zo fi bazi tu'a zo jicycma toi


pe'i zo jicycma zo'u ko'a cmalu le ka ce'u jimca ko'e kei lo'e jimca
be ko'e


> samcu a lo'e rozgu kei ty catke e'a tai lo'e pluka be ty i ku'i va'o
> le nu xlali spati kei zu'i vimcu ei le spati co'a le nu zu'i facki
> fi sy i ju'a loi xlali mutce tsiju cu zvati le terdi be le cmalu
> noltrube'a i tsiju lo'e tricrbaobabu i le loldi be le terdi cu culno
> ty i ju'a lo'e tricrbaobabu zo'u va'o le nu zu'i lerci dukse facki

  tosa'a .i mi jo'u do pu casnu la'e di'e .i ru'a zo ty. cu tcita
  la'e lu le terdi li'u .enai ke la'e lu lo'e tricrbaobabu li'u .a
  zo tsiju vu'o poi mi sruma ledu'u do djica tu'a ke'a .i segu la'e
  di'u roroi jetnu gi le tai selsku cu jai milxe cfipu kakne toi


i ku'i le nu pilno zo ra cu cfipu zmadu i le nu pilno zo goi joi
zo ko'a na cumki secau le nu purci pensi i mi na nelci le nu pilno
lo ciska bangu poi frica le tavla bangu


> fi ty kei zu'i ze'eba na kakne le nu vimcu ty i ty se canlu piro le
> terdi i ty gregau le genja le terdi i va'o le nu ge le terdi cu dukse
> le ka cmalu gi lei tricrbaobabu cu dukse le ka se kancu fi makau cu
> spoja fa le terdi gau ty

  tosa'a .i .ua loi tricrbaobabo cu rigni .i ru'a do smudji zo ce'u
  .enai lu ma kau li'u toi


i na go'i i lei tricrbaobabu cu dukse le ka ce'u se kancu fi makau
i va'i lei tricrbaobabu cu dukse le ka xokau lu'a ce'u zvati


> ni'o lu srana le nu cnici sei le cmalu noltrube'a fi mi ba cusku i
> ba lo'e nu zu'i mu'o lumci vo'a ca le cerni kei zu'i kurji lumci ei

  tosa'a
  .i ba'a do pu djica zo mo'u .enai zo mu'o to mi ji'a du'eroi je tai
  srera toi


i drani


  .i mi jinvi ledu'u xlali tadji fa tu'a zo vo'a .i lakne fa leza'i
  zo vo'a cu smuni la'e lu lo'e nu zu'i mu'o lumci li'o li'u .enai
  le se djica be do .i .e'u do ka'e bastygau zo da zo zu'i mu'i
  leza'i do ka'e za'ere'u cusku .i zo ri na banzu ni'i leza'i zo
  zu'i cmavo be la'e zo ko'a .ipau do jinvi ma
  toi


i mi ji'a na mutce nelci zo vo'a i ku'i pe'i zo da na mapti i
ju'ocu'i mi krefu cusku zo zu'i


> ni'o ca lo donri ny stidi fi mi fe le du'u mi troci le nu finti lo
> melbi pixra kei tezu'e le nu gasnu le nu mulno jimpe la'e di'u fa
> lei verba pe le mi terdi i lu va'o le nu vy litru ca da kei sei ny

  tosa'a ganai zo da cu dunli le terdi be ny. gi .e'u lo drata sumti
  cu zmadu


i da cu sinxa lo cumki balvi temci


  .i ru'a zo da cu simsa zo lo leka ce'u stidi ledu'u le
  cusku na djunu ledu'u da du makau .i ku'i cumki fa leza'i smuni
  ro terdi poi loi tricrbaobabu cu xabju ke'a .i mo toi


i pe'i do toljundi zo ca i mi ciska lu litru da li'u na e lu litru
ca da li'u


> cusku la'e di'u ka'e xamgu vy i su'oroi na raktu fa le nu balpunji

  tosa'a ti cusku lesedu'u roroi naku raktu po'u lesedu'u noroi
  raktu


i oi mi tolranda le nu tinbe lo tai tolracli javni i e'o ko
tcidu lu su'oroiku naku li'u


  .i ni'i leza'i le bavlamjufra pe do cu xusra ledu'u su'oroi
  raktu to roroi raktu va'o da toi kei mi sruma ledu'u srera toi

> le nu gunka i ku'i va'u le nu srana lo'e tricrbaobabu kei roroi

  tosa'a ba'a zo va'o zo va'u basti toi


i go'i


> raktu mutce i mi se slabu lo plini poi se xabju lo lazni i ly
> naljunri ci dzispa li'u

  tosa'a .e'u zo le zo lo zmadu vi zo lazni jo'u zo plini .i ru'asai
  ganai da slabu ny. gi ny. djuno ledu'u makau du da kei ji'a .i
  pe'ipei toi


i ie xamgu


> ni'o fi'o gidva le cmalu noltrube'a mi pirfi'i le di'u plini i mi
> nasai nelci le nu mi marde cusku i ku'i le ckape pe lo'e tricrbaobabu
> cu tai tolmutce te djuno ijebo lei se tolnu'a be lo'e farcri be bu'u

  tosa'a .i xu do smudji zo bei .i le smuni pe zo be cu se jimpe
  ji'a .isemu'ibo mi na djuno toi


i zo be cu drani i le se fanva cu srana da poi farcri bu'u lo'e
plinycma ku'o enai da poi se tolnu'a bu'u lo plinycma


> lo'e plinycma cu tai vajni isemu'ibo paroiku mi na'e tarti le nu mi
> jinzi sezyfanta i mi cusku lu doi verba ko jundi lo'e tricrbaobabu
> li'u i mi kajde lei mi pendo lo ckape poi py ne pa'a mi ze'upu

  tosa'a .e'u zo jai pevi zo kajde ka'e zenbygau toi


i ka'e go'i i mi za'o na birti to za'oku naku toi le du'u xukau
le sumti lafti sidbo cu racli


> lamji ke'a secau le nu sanji isezu'ebo mi tai mutce gunka tu'a le

  tosa'a .e'u zo za'i zo nu zmadu .i ku'i na se nitcu .i pe'ipei toi


i mi noroi pilno zo za'i i pe'i zo za'i dukse tilju


  tosa'a .i xu leza'i zo te zo se basti cu se djica do .i ganai na
  go'i gi mi na djuno ledu'u makau smuni toi


i zo se drani i le nu tai mutce gunka cu se zukte fi le nu kajde


> vi pixra i le te ctuca be fi mi cu vamji le nu troci i ju'ocu'i do

  tosa'a ru'a do bilga lenu jimna zo se gi'e zo ni zo nu basti .i
  xu do tugni toi


i ie zo se drani i ku'i pe'i zo nu mapti i pe'i zo ni cu jmina
lo drata smuni

ki'e mu'o mi'e xorxes



_________________________________________________________________
MSN Photos is the easiest way to share and print your photos: http://photos.msn.com/support/worldwide.aspx