[Date Prev][Date Next][Thread Prev][Thread Next][Date Index][Thread Index]

Re: [lojban] Re: Le Petit Prince - VII


la djorden cusku di'e


> i ny suksa retsku di'e mi secau lo'e
> pruselsku tai lo'e nu jalge lo nu ze'u smaji pensi lo nabmi

  tosa'a
  .i mi na djuno ledu'u lo'u secau le'u pe re'o zo lo'e cu te smujmi
  ma .i ru'a la'e lu lo'e li'o li'u cu ba'e ro roi se claxu
  toi


i mi do frica le du'u makau smuni zo lo'e ce'u i mi pilno
zo lo'e le nu sucygau pa da'i broda ro broda i mi na birti
le du'u do pilno fi makau i la'a do pilno fi lo srana be zo
fadni mu'i le glico ke to to'e toi sidju valsi


> -- i lo'e lanpanzi zo'u pau tai le nu ly citka lo'e dzispa kei
> ly citka lo'e xrula xu ji'a

  tosa'a .i .e'u viku zo loi zo lo'e zmadu leka do .aidai smuni .i
  xu mi drani toi


i na go'i i na xusra le du'u da poi lanpanzi ku'o de poi xrula zo'u
da citka de i casnu lei lanpanzi jo'u xrula sidbo


> -- i lo'e lanpanzi cu citka ro se penmi be ly

  tosa'a .i mu'a ba'e vi je ba'e tai xamgu cusku se tadji tu'a zo
  lo'e vau pe'i toi


i ui i ku'i mi na jimpe le du'u makau te frica


> -- i va'oku lo'e kinli cu selfu fi ma

  tosa'a ma smuni zo va'o pe secau ro sumti toi


i mu'a lu va'o la'e di'u li'u i mu'a lu baku li'u cafne se
smuni lu ba la'e di'u li'u


> ni'o mi na djuno i mi mutce le ka gunka le nu troci le nu vimcu
> lo klupe poi dukse tagji ku'o le mi matra i mi mutce le ka dunku
> ki'u ge le nu le nu spofu cu co'a simlu le ka vajni gi le nu le
> se pinxe djacu noi se xaksu cu gasnu le nu mi tepypa'a le xlarai

  tosa'a .i .e'u zo tu'a .i ka'u le remoi be le'i te gismu be fa
  zo pacna cu roroi fasnu toi


i ku'i le xlarai cu fasnu i lo'e se pacna ka'e xlali


> ni'o ku'i ba lo nu smaji kei ny renro di'e mi fau le nu milxe
> fengu

  tosa'a .i ba'a do na nelci di'e to ku'i mi stidi .ei toi .i .e'u
  ko jmina zo pe'a pere'o zo renro gi'a cusku lu renro cusku li'u
  toi


i lo jufra ka'e se renro pe'a po'o i seki'ubo pe'i zo pe'a na sarcu


> -- i ianai i lo'e xrula cu ralci i xy nalpalci i xy nurgau xy
> ta'i lo'e se kakne i xy krici le du'u xy selteptce fau tu'a
> lei xy kinli

  tosa'a .i le romoi be le'i vi jufra cu cizra mi .i mi na jimpe
  ledu'u makau .aidai smuni toi


i le nu xy se pagbu lei kinli cu rinka le nu xy krici le du'u xy
mutce le ka se terpa


> -- i na go'i i mi jinvi noda i mi pu spusku lo cunso i mi gunka
> lo se junri cuntu

  tosa'a .e'u lu spusku lo cunso li'u zo'u zo le zo lo basti .imu'ibo
  le cusku cu so'aroi sanji le se cusku be vo'a .i pe'ipei toi


i cumki i ku'i zo lo na sinxa le du'u le cusku na sanji
la'e le se cusku i vajni le du'u le pu se spusku cu cunso
enai le du'u makau du le se spusku


> -- i do tavla tai tu'a lo'e makcu prenu
>
> ni'o la'e di'u rinka le nu mi milxe ckeji i ku'i ny nalkecti ke
> jmina cusku di'e

  tosa'a .i xu le smuni be le ny. jufra ba'e ja'a rinka .i .e'u zo
  jai se nitcu vi toi


i mi na jimpe i smuni mintu lu le nu do tavla cu simsa lo'e nu
lo'e makcu prenu cu tavla li'u


> i ze'a ro donri ny rapli
> cusku tai tu'a do lu mi junri nanmu i mi junri nanmu li'u i la'e
> di'u rinka le nu ny jgira i ku'i ny na nanmu i ny gumri

  tosa'a .i si'a tu'a zo rinka jo'u zo jai


i le nu le nanmu cu rapli cusku lei di'u jufra cu rinka le nu
ny jgira i nitcu zo jai ma


  .i ki'a gumri toi


i clani lisri i purci cedra valsi i ko catlu di'e
http://nuzban.wiw.org/wiki/index.php?mledi%20baljutsi


> -- i ny mo
>
> -- i ny gumri

  tosa'a .i xu le cusku na djuno tu'a le valsi tai mi toi


i la'a cy se slabu le valsi gi'e ku'i jinvi le du'u cizra
se xusra


> -- i ze'u lo nanca be loi megdo lo'e xrula cu zbasu lo'e kinli
> iji'a ze'u lo nanca be loi megdo lo'e lanpanzi cu citka lo'e
> xrula i xu na junri fau le nu sisku le nu jimpe le du'u ki'u

  tosa'a .i .e'u zo ka zo nu basti .i zo sisku jai tavla fi loi ckaji
  toi


i va'o le nu zanru le gi'uste smuni kei pilno ei lu le ka nu
jimpe li'u


> -- i le nu da prami lo xrula noi zasti fa pa ke'a bu'u lei megdo
> be lei megdo be lo'e tarci cu banzu le nu da gleki le nu catlu
> ty i da cusku fi da fe lu le mi xrula cu zvati piso'u ta li'u i
> ku'i le nu le lanpanzi cu citka le xrula cu simsa ci'o da lo'e
> nu ro tarci cu suksa naltergu'ibi'o i uesai na vajni fa la'e di'u

  tosa'a .i ju'oru'e le se kuspe be tu'a zo da cu na banzu lenu
  cusku tu'a re jufra noi na jorne .i .e'u cusku zo bo tai
  lo'u da cusku fi da li'o .ibo ku'i lenu li'o ci'o da le'u
  vi le jurfa .i pe'ipei toi


i mi do tugni le du'u tu'a zo da na drani i ku'i pe'i zo bo
na mansa cikre i ei mi pu pilno zo zu'i


> ni'o ny na kakne le nu jmina cusku i ny spoja le nu klaku i le
> nicte ba'o tolcanci i mi ba'o crugau lei mi tutci i mi ja'asai

  tosa'a ma smuni lu crugau lei mi tutci li'u .i xu zo curmi drani
  toi


i zo crugau na drani i la'a mi skudji zo falcru


> i mi cusku fi ny fe lu le xrula poi do prami cu na
> se ckape i mi ba pirfi'i lo molgai seva'u le do lanpanzi i mi ba
> pirfi'i seva'u do lo marbi be le do xrula i mi li'u i mi na djuno

  tosa'a .i xu lo'u .i mi li'u .i mi li'o le'u se srera .i ba'a
  lo'u li'o li'u .i mi le'u toi


i pe'i le cusku cu bacru lu i mi li'u enai lo jersi i cy na kakne
le nu mulgau le jufra


> fi le nu ei mi cusku makau i mi cinmo le nu mutce le ka juxre i

  tosa'a zo cinmo jai co'e loi ckaji .i .e'u valsygalfi tai lu mi
  cinmo le ka mutce juxre li'u .a lu mi cinmo le ka mutce le ka
  juxre li'u toi


i mi na birti le du'u zo ka mapti zo cinmo i ku'i je'e


> mi na djuno fi le nu ta'i makau mi ny penmi gi'a pruxi jorne i
> tai cizra fa le se klaku gugde

  tosa'a .y. le ki'a se klaku gugde toi


i zoi gy the land of tears gy i le gunma be piro loi vanbi
be tu'a lo'e se klaku cu cizra

mu'o mi'e xorxes



_________________________________________________________________
Internet access plans that fit your lifestyle -- join MSN. http://resourcecenter.msn.com/access/plans/default.asp