[Date Prev][Date Next][Thread Prev][Thread Next][Date Index][Thread Index]

Re: [lojban] Re: Le Petit Prince - VII


la djorden cusku di'e


> i mi do frica le du'u makau smuni zo lo'e ce'u i mi pilno
> zo lo'e le nu sucygau pa da'i broda ro broda i mi na birti
> le du'u do pilno fi makau i la'a do pilno fi lo srana be zo
> fadni mu'i le glico ke to to'e toi sidju valsi

  .i .y. .i naku mi djuno fo le no'e sidju valsi kupo'o .i mi ca
  tu'ore'u tcidu le ckupau poi srana .ije ri xusra ledu'u ja'a vajni
  ba'e za'u pa lo broda .i srana lo mucti krati be ba'e lo'i broda

  .i pau do pilno tai le drata mu'i ma


i lu srana lo mucti krati be lo'i broda li'u cu xamgu ve skicu
le du'u mi pilno tai makau


> > > -- i lo'e lanpanzi zo'u pau tai le nu ly citka lo'e dzispa kei
> > > ly citka lo'e xrula xu ji'a
> >
> >   tosa'a .i .e'u viku zo loi zo lo'e zmadu leka do .aidai smuni .i
> >   xu mi drani toi
>
> i na go'i i na xusra le du'u da poi lanpanzi ku'o de poi xrula zo'u
> da citka de i casnu lei lanpanzi jo'u xrula sidbo

  .i ja'a xusra .i naku lo'e lanpanzi co'e loi xrula va'o lo da'i
  za'i naku lo lanpanzi co'e lo xrula .i zo le'e jai cumki ku'i


i lo'e pavyseljirna cu blabi i ku'i naku da poi pavyseljirna
cu blabi i zo le'e cu srana lo'e steci girzu i le se fanva na
srana lo steci girzu be loi xrula


> > > -- i lo'e lanpanzi cu citka ro se penmi be ly
> >
> >   tosa'a .i mu'a ba'e vi je ba'e tai xamgu cusku se tadji tu'a zo
> >   lo'e vau pe'i toi
>
> i ui i ku'i mi na jimpe le du'u makau te frica

  .i ti xusra da poi vajni so'e lanpanzi .ije va'o le pamoi jufra
  do cizra cusku .i lu secau lo'e broda li'u so'aroi jetnu ni'i
  leza'i lu lo'e broda li'u na tavla fi lo ba'e barda te kancu .ije
  naku lo'i se ckaji be lo'e broda cu dunli lo'i se ckaji be pa lo
  broda


i le te kancu be lo'i broda cu na srana zo lo'e i le smuni be
zo broda be'o po'o cu srana zo lo'e


   .i ko pensi ledu'u xukau do ja'a smudji zo lo'e .ije .e'u tu'ore'u
  tcidu le ckupau pe zo lo'e jo'u zo le'e


i mi ze'a pensi le cuntu co'a li pasosovo i co'a go'i pu le nu
le cukta cu zasti


[...]
> i lo jufra ka'e se renro pe'a po'o i seki'ubo pe'i zo pe'a na sarcu

  .i ja'a sarcu .imu'i leza'i lu renro lu broda li'u li'u mutce
  cizra .iku'i mi jinvi ledu'u lu renro cusku li'u zmadu


i lu renro cusku li'u cu pensygau mi lo'e nu da cusku de ca le
nu da renro di poi dacti


> > > -- i do tavla tai tu'a lo'e makcu prenu
> > >
> > > ni'o la'e di'u rinka le nu mi milxe ckeji i ku'i ny nalkecti ke
> > > jmina cusku di'e
> >
> >   tosa'a .i xu le smuni be le ny. jufra ba'e ja'a rinka .i .e'u zo
> >   jai se nitcu vi toi
>
> i mi na jimpe i smuni mintu lu le nu do tavla cu simsa lo'e nu
> lo'e makcu prenu cu tavla li'u

  .i mi pu tavla fi lu la'e di'u rinka li'u


i lu la'e ko'a li'u na sinxa le smuni be ko'a i lu la'e ko'a li'u
sinxa le se sinxa be ko'a i zo di'u na sinxa pa jufra i zo di'u
cu sinxa lei se jersi jufra i lu la'e di'u li'u cu sinxa le se
jersi jufra se skicu


> > > i ze'a ro donri ny rapli
> > > cusku tai tu'a do lu mi junri nanmu i mi junri nanmu li'u i la'e
> > > di'u rinka le nu ny jgira i ku'i ny na nanmu i ny gumri
> >
> >   tosa'a .i si'a tu'a zo rinka jo'u zo jai
>
> i le nu le nanmu cu rapli cusku lei di'u jufra cu rinka le nu
> ny jgira i nitcu zo jai ma

  .i lu la'e di'u li'u na dunli lu lenu cusku la'e di'u li'u


i la'e lu ze'a ro donri ny rapli cusku ta' tu'a do li'o li'u
cu dunli le nu ze'a ro donri ny rapli cusku li'o li'u
i zo la'e cu dukti zo lu


  .i .e'u ko na pilno zo gumri mu'i leza'i le'e lojbo tcidu cu jinvi
  ledu'u le cusku ji'a na se slabu le valsi kei mu'i leza'i le valsi
  cu na'e lojbo


i ro valsi poi loi jbopli cu pilno ke'a cu lojbo i mi na finti
zo gumri


> > > -- i ze'u lo nanca be loi megdo lo'e xrula cu zbasu lo'e kinli
> > > iji'a ze'u lo nanca be loi megdo lo'e lanpanzi cu citka lo'e
> > > xrula i xu na junri fau le nu sisku le nu jimpe le du'u ki'u
> >
> >   tosa'a .i .e'u zo ka zo nu basti .i zo sisku jai tavla fi loi ckaji
> >   toi
>
> i va'o le nu zanru le gi'uste smuni kei pilno ei lu le ka nu
> jimpe li'u

  .i lu le ka nu jimpe li'u cu mutce cizra cusku tadji


i ku'i lo'e nu sisku le ka ce'u fasnu na mintu lo'e nu sisku
le ka ce'u prenu i lo'e nu sisku le ka ce'u jimpe cu mintu
lo'e nu sisku le ka ce'u prenu


> i mi do tugni le du'u tu'a zo da na drani i ku'i pe'i zo bo
> na mansa cikre i ei mi pu pilno zo zu'i

  .i mu'i ma do jinvi ledu'u zo bo na cikre .i le gerna cu jornygau
  loi jufra pe zo bo


i mi na ka'e ciksi bau le lojbo i mi ka'e ciksi bau le glico
va'o le nu do se cinri

mu'o mi'e xorxes



_________________________________________________________________
Get a speedy connection with MSN Broadband.  Join now! http://resourcecenter.msn.com/access/plans/freeactivation.asp