.i di'a te pinka
On Thu, Sep 19, 2002 at 10:19:10PM +0000, Jorge Llambias wrote:
> ni'o mi ze'i cilre fi le nu djuno fi le bi'unai xrula i ze'epu
> ta'e zvati le terdi be le cmalu noltrube'a fa lo'e sampu mutce
> xrula noi se jadni papo'o djine be lo'e rulpezli zi'e noi ja'a
> ru'e se canlo zi'e noi fanza noda i xy tolcanci ca le cerni le
tosa'a ru'a zo cando co'e vau xu toi
> srasu ibabo xy canci ca le vanci i ku'i le bi'unai xrula co'a
> te tsiju ca lo djedi fi da poi se bevri fo lo na te djuno i le
> cmalu noltrube'a cu jibni jundi le stanycma noi na simsa lei
> drata stanycma i cumki fa le nu cnino klesi lo'e tricrbaobabu
> i ku'i le dzispa bazi sisti le nu banro kei gi'e co'a zbasu lo
> xrula i le cmalu noltrube'a noi zvati le nu zvagau lo barda
> balji cu birti le du'u ba barkla by fa lo se manci tolcanci i
> ku'i le xrula za'o na mo'u brebi'o le nu melbi kei fi'o marbi
> le xy crino kumfa i xy jundi cuxna le xy skari i xy masno le
> nu dasni binxo i xy stika ro le rulpezli i xy na djica le nu
> barkla fau le nu xy mulno se cinje tai tu'a lo'e xrulrpapavera
> i xy na djica le nu tolcanci fau na'ebo le mulno nu dirce le
> nu xy melbi i ie xy mutce le ka melsanji i le se mipri nu xy
tosa'a mi na jinvi ledu'u lo'enu tai cusku zo dirce cu drani
.iku'i ba'a do mi na tugni vau xuru'e toi
> brebi'o cu djedi li so'o gi'ebabo djedi li so'i ibabo ca lo
> cerni ca le tcika be le solri nu tolcanci kei xy jarco vo'a
>
> ni'o xy noi pu tai tcila gunka cu cusku di'e fau le nu sipna
> frumu
tosa'a xu zo ny. zo xy. co'e .i ru'a lo'e xrula na'eka'e tavla toi
> -- i a'i mi ja'aru'e co'a cikna i ko mi fraxu i u'u mi za'o
> mulno krekalsa
tosa'a .uasai le xrula pu'i tavla vau .u'i .i ko na jundi le
puvla'i jufra pe mi toi
> ni'o le cmalu noltrube'a ka'enai rivbi le nu manci
>
> -- i u'e do melbi
>
> -- i go'i pei --sei le xrula cu xutla spusku-- i mi dunli le
> solri le ka jbena ca makau
tosa'a .e'u zo xutla tai ti malrarbau .i .e'u zo pe'a .e lo drata
valsi cu zmadu .i pe'ipei toi
> ni'o le cmalu noltrube'a cu drani smadi le du'u xy na mutce le
> ka cumlo i ku'i xy tai cnigau
tosa'a ru'a zo cumla jai se djica toi
> -- i pe'i tcika tu'a le cerni sanmi --sei xy bazi jmina cusku--
> i da'i do mi xendo le nu pensi mi
>
> ni'o le cmalu noltrube'a fau le nu mulno se cfipu kei ca le nu
> ba'o tolcri lo jaursabytcu cu vifne djacu selfu le xrula
tosa'a pau zo jaursabytcu ma ma brivla toi
> ni'o taiku xy fanza ny fau le nu xy badri milxe jgira i mu'a
> ca lo donri fau le nu tavla fi le vo kinli po'e xy kei xy
> cusku di'e le cmalu noltrube'a
>
> -- i ka'e klama fa lo'e tirxu noi se jgalu
>
> -- i no tirxu cu zvati le mi terdi --sei le cmalu noltrube'a
> cu fapro cusku-- i ji'a lo'e tirxu na citka lo'e srasu
tosa'a lu fapro cusku li'u se nelci mi toi
> -- i mi na srasu --sei le xrula cu xutla spusku
>
> -- i ko mi fraxu
>
> -- i mi na terpa lo'e tirxu i ku'i mi mutce terpa lo'e vacri
> brife i xu do ponse lo bifmarbi
>
> ni'o lu mutce terpa lo'e vacri brife i na zabna funca lo'e
> spati --sei le cmalu noltrube'a cu zgana-- i le vi xrula cu
> mutce pluja li'u
tosa'a le noltrube'a cu tai cusku ji pensi
> -- i ca ro vanci do mi setca lo blacygai i mutce lenku bu'u le
> medomoi i xlali stuzi i bu'u le te klama be fi mi y
tosa'a xu le xrula cu xusra ji cpedu
> ni'o ku'i xy dicra vo'a i xy pu klama fau le nu tsiju i xy
> ka'enai pu se slabu lo'e drata terdi i xy fau le nu ckeji le
> nu curmi le nu da facki fi le nu xy bregau lo tai klina jitfa
> cu reji'iciroi kafke tezu'e le nu le cmalu noltrube'a cu zungi
tosa'a
.e'u zo klina tai ti malrarbau .i pe'ipei
.i lo'u reji'iciroi le'u se smuni da pe tai lo'u re piji'i ci roi
le'u pe'i .i ru'a do smudji tai le se nelci be do ku poi puza
tavla fi ke'a .i .uenaidai mi stidi lo nu do galfi
toi
> -- i xu le bifmarbi
>
> -- i mi pu'o klama tezu'e le nu tolcri i ku'i do mi tavla
>
> ni'o xy bapli le nu kafke kei tezu'e le nu frigau ny lo'e
> zugyselcni
tosa'a .e'u zo jai pevi zo bapli co'e toi
> ni'o taiku le cmalu noltrube'a mu'inai le zabna terzu'e pe le
> ny nunprami bazi tolylacri xy i ny junri jundi loi na'e vajni
> valsi gi'e binxo lo mutce tolgei
tosa'a lu binxo lo mutce tolgei li'u goi ko'a cu cinri .i mi na'e
pu pensi le'i tai cusku pe zo binxo .i ru'a lu mutce tolgei binxo
li'u noi lakne fa lenu da'i mi ke'a cusku cu se smuni ko'a toi
> ni'o lu ei mi pu na'e tirna xy --sei ny fi mi ca lo djedi cu
> lacri cusku-- i ei zu'i noroi tirna lo'e xrula i ei zu'i xy
> catlu gi'e sumne i le memimoi cu clugau le mi terdi loi titla
> panci i ku'i mi pu na se pluka i le lisri be lo'e jgalu be'o
> noi tai fanza mi cu ei mi cnigau li'u
>
> ni'o ny za'o lacri cusku lu mi pu na kakne le nu jimpe fi da i
> ei mi pajni ji'u loi se zukte enai loi valsi i iu xy mi panci
> clugau gi'e te gusni i u'u eisai mi na cliva i ei mi smadi fi
> le nu xy xendo poi se mipri fo le nu xy tcica i oi lo'e xrula
> cu tai natfe tarti i ku'i mi dukse le ka citno kei le nu djuno
> kakne le nu prami xy
.i cinri fa lenu tcidu .i ki'e
mu'o
--
Jordan DeLong - fracture@allusion.net
lu zo'o loi censa bakni cu terzba le zaltapla poi xagrai li'u
sei la mark. tuen. cusku
Attachment:
pgpcmFNf1btVr.pgp
Description: PGP signature