[lojban] Re: 3-way calling.

[Jorge "Llambías" <jjllambias2000@yahoo.com.ar>]

xod:
> .ua
> .i va'i ma'i lo ckaji lo gasnu cu nenri lo zukte
> .i va'i ganai zukte gi gasnu

pe'i lo zukte cu roroi pagbu lo se zukte i ku'i 
lo gasnu ta'e na pagbu lo se gasnu

i mu'a lo ninmu goi ko'a cu zukte lo nu ko'a cadzu kei
lo nu ko'a nenri lo ko'a zdani ije ko'a gasnu lo nu
lo vorme cu karbi'o

i ko'a pagbu lo nu ko'a cadzu i ku'i ko'a na pagbu
lo nu lo vorme cu karbi'o

i lu ko'a zukte lo nu lo vorme cu karbi'o li'u cizra
i lu ko'a zukte lo nu ko'a cadzu li'u cu se smuni
lo du'u ko'a cadzu i lu ko'a gasnu lo nu ko'a cadzu li'u
cu se smuni lo du'u ko'a sezycadzygau

i ro gasnu cu zukte i ku'i lo gasnu be da cu ta'e zukte da 
na.e na'e bo da 

mu'o mi'e xorxes



		
__________________________________
Do you Yahoo!?
Yahoo! Mail - 50x more storage than other providers!
http://promotions.yahoo.com/new_mail