Re: A vitz for lei lojbo

[Jorge Llambias <jorge@PHYAST.PITT.EDU>]

ki'esai doi djan
i le mi lu'a lei lojbo cu mutce gleki tu'a la'o vy. vitz .vy
i ma smuni vy
i li'a mi terpinka

> ni'o le prije cu selmarce fo le xirma
> .i zo'a le cange le carce sazri cu viska loi sudysrasu
> .i ra sisti tu'a le xirma
> .i kurji catlu mu'i le nu noda zgana

xu zo kurji
i pe'i zo kajde a le simsa
i zo'o zo kurji se panci le malglico
i ku'i ra du'i se pilno bau le sanbau ji'a
i ki'unaibo mi ra na'e nelci

i ji'a le nu noda zgana kei na mukti le nu catlu
i mukti fa le nu birtybi'o le du'u noda zgana

> .i bajra
> .i lebna lei sudysrasu
>
> ni'o le prije cu cilre le du'u le sazri bazi dunda lei sudysrasu le xirma

!ua
i mi pu jimpe le du'u le prije le sazri cu mintu

> .i le prije cusku fi le sazri fe lu e'unai zgana .i zgana li'u
>
> ni'o le sazri cu falgau lei sudysrasu
> .i se'ixru le carce

pe'i lu tu'a le carce li'u

> .i cfari tu'a le xirma
> .i catlu
> .i zgana noda poi zgana
>
> ni'o le sazri cladu cusku fi le prije

(to claxu zo cu toi)

> fe lu mu'ima do cusku le jifbri mi doi to'erci'o li'u

(to zo jifybri toi)

>
> ni'o lu jifbri .i ma jifbri li'u se cusku le prije
> .i le prije cu xanjarco le tsani
> .i cusku lu vu zgana li'u
>

melbi lisri  ije melbi jbobau
i pe'u do'u ko ca'o finti bau le ma'a bangu
i mi xagji le jboselsku

mi'e xorxes