Re: preti zo goi .e zo nai

[jorge@PHYAST.PITT.EDU]

la goran cusku di'e

> xu gendra je xamgu fa lu   la broda goi ko'a      li'u ji
>                       lu   la broda ku goi ko'a   li'u ji
>                       lu   la goi ko'a broda      li'u ji
>                       le na se cusku be vi dei

(to e'u ko na pilno ne'i le pa preti zo xu e zo ji toi)

i pe'i le ci selsku cu smuni le pa da
i ju'o le ci da gendra je xamgu

i zo'o mi na djuno le du'u xukau le na se cusku be di'u cu gendra je xamgu
i ki'a le na se cusku

> .i le pamoi ka'e se jijnu .ijeku'i pe'i zo goi lasna fi zo broda .enai
> lu la broda li'u

i ko na krici le du'u la parser cusku makau
i zo goi roroi lasna lo sumti lo sumti

>.i le remai drani gi'enaiku'i xamgu ca'i la zipf.

i ie lei famyma'u cu tolmelbi

>.i tu'a le cimai se smadi mi

i drani smadi

> .i lenu ji'a le zo bai selma'o zo nai lidne cu cumki xu

i go'i

> .i mupli fa lo'u cu'unai ko'a le'u
> .i ri gerna nagi'a se smuni
>    lu   ko'a na cusku da     li'u ji
>    lu   na'e ko'a cusku da   li'u ji
>    lu   ko'a na'e cusku da   li'u ji
>    lu   ko'a cusku na'e da   li'u
> .i to le re fanmo cu na'e lakne toi

i pe'i lu cu'unai ko'a li'u se smuni lu da naku se cusku ko'a li'u
i ri frica lu ko'a na cusku da li'u

(to lo'u na'e ko'a le'u na gendra i lu na'e bo ko'a li'u toi)


> .i ki'e re'i co'o mi'e. goran.

je'e co'o mi'e xorxes