Re: loika mela'e zo .ai

["Jorge J. Llambías" <jorge@INTERMEDIA.COM.AR>]

>>i xu ka'e cusku lo selkai  i xu la'edi'u mintu le du'u cusku le sedu'u
>>da ckaji ko'a ixu go'i le du'u skuja'o ko'a
>
>.ue oiru'ezo'o .i mi .au casnu le nabmi .iku'i .oi do te pinka ba'e lu'e
>le  preti

i u'u u'unai mi nalclite i mi djica le nu casnu bau la lojban i mi na
se vajni le du'u casnu makau i frili fa le nu cfari do'e le selcusku

 >>i pe'i lo'e stace cusku be lu ai broda li'u cu zukte zi'o le nu broda
>>i le zukte le terzukte ge ka'e te mukti gi ka'e na'e te mukti
>
>.i .iecu'i  .i mi na tersmu lu zukti zi'o li'u .i djuno fi zo zi'o .i na
>jimpe lo si'o da nunzu'e gi'e claxu lo selzu'e

i pe'i do na jimpe lo si'o da nunzu'e gi'e claxu ba'e ro selzu'e
i ro da poi nunzu'e zo'u da claxu so'i de poi selzu'e

i ku'i no'i lu da zukte zi'o de li'u na se smuni le du'u da fi de zukte
fe nodi i se smuni le du'u no selzu'e cu vajni fi le nu jarco le du'u
le zukte le terzu'e cu ckini makau i di'u pe'i i xu zasti fa lo matmau
be zo zukte bei le ka ce'u xe fanva zoi gy intend gy la lojban
le glibau

co'o mi'e xorxes