Re: coi

["Jorge J. Llambías" <jorge@INTERMEDIA.COM.AR>]

>.ie mi do tugni .ije mi pu troci le nu mi pilno na'e zo pa .iku'i le
>glico xe fanva cu na pluka .ipe'i zoi kuot. "The apple(s) is/are green."
>.kuot. cu na ctuca loi tcidu le lojbo pensi .i cfipu je nalsteci

i go'i i ku'i zoi gy the apple gy cu matrai le ka fanva lu le plise li'u
i do na fanva lu mi crino li'u fu zoi gy I/we am/are/was/were/will be
green".
i zoi gy I'm green gy matrai i ji'a zoi gy the apple gy cu banzu
i do ka'e ciksi lei namcu ca lo drata velru'e

>.i mi stidi la'edi'e:=20
>=20
>.i le pamoi te ctuca cu pilno lu "le pa" li'u
>.i le remoi te ctuca cu pilno lu "le re" li'u .e le drata
>.i le cimoi te ctuca cu pilno lu "le su'o" li'u
>.i le vomoi te ctuca cu pilno zo "le"=20
>.ije mi ciksi le nu lu "le" li'u du lu "le su'o" li'u

i la'e di'u cu xamgu tadji le nu ciksi lei nenri namcu
i ku'i pe'i lu le plise li'u cu pamoi i lei namcu ka'e denpa
lo balvi velru'e

 >mi ca banzu be le smuni casnu be'o jimpe fi la lojban.
>.i ku'i mi'o ma ba casnu?
>.i mi la'edi'u pu'o pensi
>.i baza casnu fa mi'o de poi cinri

i ro da zo'u cumki fa le nu mi'o casnu da
i ku'i vajni fa le nu mi'o stali bau la lojban
i ka'e steba le nu na kakne le nu cusku lo satci
seldji i ku'i le jalge cu se vamji le nu troci

co'o mi'e xorxes