Re: jbopemci

["Jorge J. Llambías" <jorge@INTERMEDIA.COM.AR>]

-----Original Message-----
De: Lucky Dog Books <requests@luckydogbooks.com>
Para: Jorge J. Llamb=EDas <jorge@intermedia.com.ar>
Fecha: Mi=E9rcoles 9 de Septiembre de 1998 15:15
Asunto: RE: jbopemci


>At 12:26 AM 9/5/98 -0300, you wrote:
>
>>
>coi xorxes.
>.i .ai mi le'i mi rafsi mo'u ningau bazi
>.i za'a di'e se dragau bilga
>.itu'e pamai sera'a le pemci poi se tcita lu sedrajvelyle'i pe'a li'u ku=
 ku
>zo tcesalci .enai zo mutsalci cu drani .i zo jbotut. enai zo jbotur. go'=
i

i u'i mi do frica le ka casnu makau no'u la jbotur i mi co'a jimpe
le du'u do mi makau pu tavla i mi pu krici le du'u do se cinri le
nu lanli le stura be la lojban i ua do te pinka la lojbanistan

>.i remai sera'a le pemci poi se tcita lu le pluta pe leka tolvitno li'u
>kuku zo karcynenri .enai zo kacnenri cu drani .i zo karcyzda .enai zo
>kacyzda go'i

i uenai mi pu sruma

>.i cimai sera'a le pemci poi se tcita lu li pa fi'u no li'u kuku lu pa'o=
 lo
>rokci ku'o li'u .enai lu befi lenu rokfanta li'u cu valsatci .i lu kanla=
 cu
>binxo lese li'u .enai lu ku'o kanla cu binxo li'u cu drani .i lu cfipu b=
ele
>sampu li'u .enai lu lese cfipu bele sampu li'u go'i

i ie xagmau i li'a le rokci na fanta le nu le kanla cu viska

>.i vomai sera'a le pemci poi se tcita lu lanci li'u kuku zo tidnandu .en=
ai
>zo ci'urnandu cu drani .i zo selcni .enai zo selci'o go'i

i mi na jimpe lu le selcni soi vo'a claxu li'u i le selcni ma claxu
i lu soi vo'a li'u ki'a

>.i mumai sera'a le pemci poi se tcita lu le brife ri'a le nalci pe lo
>lobzgi li'u kuku zo pijlarkemcajzu'e cu mlecu zo pijveljdima leka satci
>.ije li'a zo jbotur. ba'i zo jbotut. cu rafydra roroi mu'anai .u'uri'e t=
u'u

i xu lei ve jdima noi prije i mi zmanei lei zukte be le nu canje
le larcu be le nu prije

>ni'o zo cedlidne to .ai secu'u toi pu .a'o selsmu zoi .gy. king .gy. i p=
au
>ri nu'o se jbosku setai ma seba'i

i pe'i zo turni mapti i zo cedytru go'i i zo nolraitru pu ca'a se pilno
i le turni cu lidne ma ma i xu le turni cu lidne lei seltru le nu bacru

>no'i pa'e ledo jbovla po'u lu cinfo skari rirxe ca ro cerna mi rinsa li'=
u
>cu melbi co cnino .izo'o le vi rirxe di'i sudbi'o fi le carmi crisynungl=
a
>.isemu'ibo lovi rirxe re'a pu'i pemcylarcu sinxa fo ga lonu cenba leka
>vlipa gi ji'a .uinai vindu limjevyfipnunpe'u

i lei rirxe ka'e pemcylarcu sinxa so'ida e deji'a

>.i lu la .yburekyz. e levi rirxe li'u tcita di'e .itu'e
>
> gu'u naljinsa djacu
> gi ga kunti gi culno
> .i .a'i le puzu mibdri
> goi ko'a simsi
>
> .i ko'a go to'e gleki
> gi xumcau .uusai .ijonai
> ko'a go kusyvli gi
> xumkansa .u'ucai
>
> .izuku mi cusku co preti
> ledu'u cerda fa ko'a
> le pe ma terdi palci
> pu lenu re gunma co'a
>
> .i viska ko'a su'eroi
> ca le de'a sfubu
> pe'a zu'i .ije
> mi'a .ii da'o co'e
>
>tu'u .i .i'o pemci ckire .i cinri stura

i i'o su'oso'o le do pemci cu tsali le ka cinda'i
i lu le roroi nicte li'u di'e tcita i tu'e

i sipna i surla
i lei kanla cu ganlo
i vreta i vasxu
i lei ctebi cu desmli
i smaji i cando
i le xadni za'o lamji
i senva i cisma
i le pruxi ba'o prami

tu'u

>
>ni'o lu gismu li'u tcita di'e .itu'e
>
> cerni co mlilenku .ue
> .i culno dargu
> .i ganai da'i mi klama
> fo le drata pluta
> gi da poi za'o morji
> fa mi ke'a ku'o
> runta lei valsi fi le
> mijyjbo xu
> .i .u'e titla .i ti ka
> kurki kei ra'i
> le le critu ku xagji
> joi za'i djica
>
>tu'u ni'o mi co'a cikre le pu pemci vau .oi.oinai .i cu'e mulno paunai .=
i
>temci co'o mi'e maikl.


i di'e se tcita lu velru'e ce'o velru'e li'u i tu'e

i le nu klama cu pruce
le nu djica le nu snada
le nu galfi le selsa'i
be le ca'o pu'o klama

kei kei kei le nu selspaji
le nu facki le nu fatci
fa le du'u le selpluta
cu nalmanci fadni tolvai

kei kei kei kei so'i tcana
to nutlu'a cinri vrici
toi noi rinka le nu vamji
fa lo mutce le nu klama

tu'u co'o mi'e xorxes