prami xatra

[Spigot <spigot@neuron.net>]

la labla'u cu selstu
    le fanmo be
        le rokci bitmu co ricfoi bo kruca .i
le srasu since 
    cu sakli cpare
        mo'ipa'o le cimtu'a be fi'o spati lei tsispa .e lei xrula .i
le rokci bitmu poi
    ke'a mitre galtu ku'o
        fe'e ru'inai selspo .i mi'o pu cadzu ra

        .i lei ricfoi tricu ba morsi .iseja'ebo
    lei catra cmacinki cu brife muvdu fo le xamsi
ca le balbi'e tcima
.i lei cmacinki ca
    snocatra lei tricu .i
         lo bratricu pu mlafa'u .ijecabo ri te mledi
        .i mi'o cadzu mo'ito'o le rokci bitmu mo'ine'i lei cmana .i
    tu'i le cmana balni mi'o zutse je tavla
fi la .alstralias.
.e le kunske

.i lei cmamabru 
    puze'a citka tu'i le purdi
        .ijecabo lei najna'i toldi cu vofli vi'u le ricfoi
        .ije vo'e tersa'a lei cipni .i mi'o cinba tu'i le julne ckana .i
    roda xamgu ca lenu
mi kansa do