cmalisri

[Spigot <spigot@neuron.net>]

mi puki kansa ko'a goi la kris. le ckafybarja zvati
.i mi'a casnu leka jmive .e leka banro .e leka pruxi
.ije'u lenu go'i kei di'i se gasnu mi'a .i ba lenu mi
tunlo le satnanba kei mi cusku
       lu ca lenu prulamdei kei mi sukjmi ledu'u
       mi roroi pinfu pe'a li'u
.i ko'a spaji gi'e lafti leko'a kalgai .i.u'i leko'a flira
roroi carmi leka cinmo .i ko'a cusku
       lu .uanai mo li'u
.i mi cusku
       lu pe'a mi roroi ravycta roda le canko li'u
.i la kris. sutspu
       lu canko ma li'u
.i mi na'e djuno .ita'o ko'a piso'iroi sutspu lemi sidbo .ija'ebo
mi na'eka'e frati .i ko'a roroi gasnu lenu mi pensi .ita'onai
mi ba cusku co senpi je masno
       lu pau lemi sevzi .i pau lemi menli .i pau lemi prenu li'u
.i ko'a cmila gi'e surla .i mi ca'o cusku
       lu ca lenu cabdei kei mi ganse da poi mi ze'u na'e ganse ke'a
       .i mi pu sanli le dagkoi .i mi zgana lei karce .i leka ri po'o
       zasti cu selmlu .i nadski .iku'i mi morji ledu'u do pu cusku
       lu .u'e cladu pe'a li'u li'u
.i ko'a xance darxi leko'a tuple gi'e cusku
       lu .u'i.u'i lei karce .i.iecai cladu .isa'e na cladu .iku'i
       cladu pe'a .u'i li'u
.i denpa .i mi'a cmatu'o lei ckafi gi'e ravycta fi le canko .i lo dilnu
se ctino fi lo solri .i ko'a pensi .ibabo ko'a cusku
       lu .ise'o mi pu jimpe fi ko'e goi lemi ganse fe ledu'u
       ganai mi ka'e jimpe fi ko'e gi le terbau cu manri ko'e li'u
.i ko'a simlu leka badri .a leka xanka .i mi gasnu le cinje be le mebri
       lu xu do casnu ne'i ledo sevzi li'u
selsku mi .i leko'a stedu slidesku gi'e cusku
       lu nago'i .i ju'ocu'i mi casnu ne'i lemi sevzi .ipo'obo
       lei prenu pagbu cu casnu .iku'i la'edi'u na'e srana li'u
.i mi cusku
       lu .oiro'e mi na'e jimpe li'u
       .i lu .oi.oi mi ca se tcini le jimte be le pensi be ko'e
       .i mi xenru lenu mi cizra .iku'i mi na'e djica lenu mi fekbi'o
       .i mi ganse leka fekba'o li'u
selsku ko'a
.i mi cusku
       lu .io je'e li'u
.i leko'a stedu cu farlu .ije ko'a cusku
       lu ki'e li'u
.i denpa .i cusku
       lu .e'u citka lei toljukpa finpe li'u
.i leko'a kanla co'a carmi



i was hanging out with cris at the coffeehouse.
we talked about life, growth, soul.  truly, the usual.
after i ate a danish, i said
       "yesterday i realized that i always feel imprisoned."
she was surprised and widened her eyes.  ah, her face is always
so expressive!  she said
       "wha..?"
i said
       "i feel like i'm always looking at the world through a window."
she snapped
       "a window in what?"
i didn't know.  you know, so often she responds so quickly to my ideas,
i can't react.  she always make me think.  but anyway, i hesitantly said
       "my self?  my psyche?  my personality?"
she laughed and relaxed, i said
       "today i felt something i haven't felt in a long time.  i was
       standing on the street, watching the cars.  it was as if they
       were the only things that existed.  hard to describe.  but i
       remembered you saying 'oh! so loud!'"
she slapped her thigh,
      "hehe, the cars!  oh yes it is loud!  well, not *loud*, but,
      you know, 'loud'. hehe"
pause.  we sipped coffee and looked out the window.  a cloud passed over
the sun.  she was thinking.  then she said
       "i understood something about my sensory thing, i can understand
       them only if i frame them in terms of communication."
she seemed sad or anxious.  i frowned
       "you mean you talk inside yourself?"
i said.  she shook her head,
       "no.  well maybe i talk in my head, but only the personality
       fragments talking to each other.  but that's beside the point."
i said
       "oog, i don't get it."
       "ack yuk i'm at the threshold on thinking about it.  i'm sorry
       to be weird, but i don't want to get crazy.  i can feel the
       craziness coming."
she said.
i said
       "yes ok"
she lowered her head,
       "thanks."
after a pause,
       "want to get sushi?"
her eyes lit up.