vo la koan.

[Spigot <spigot@neuron.net>]

[from "the blue cliff record"]

pamo'o
.i le tadni puki preti cusku fi le prije fe lu ca le nu le ka lenku .e
     le ka glare cu tolcanci kei ta'i ma ma'a rivbi li'u
.i le prije cu cusku lu .e'u do klama le stuzi poi na'e ke glare ja
     lenku li'u
.i le tadni cu cusku lu vi ma stuzi co na'e ke glare ja lenku li'u
.i le prije cu cusku lu ca le nu lenku kei le lenku cu catlu do
     .i ca le nu glare kei le glare cu catlu do li'u


remo'o
.i lu do klama mi ma li'u selsku le prije le tadni
.i le tadni cusku lu la xitcan. li'u
.i le prije cusku lu ma ca se ckaji lei valsi je jufra vi la xitcan. li'u
.i lafti le tadni le janco
.i le prije cu darxi ty.
.i le tadni cu cusku lu .ue mi na mo'u tavla li'u
.i lafti le prije le janco
.i le tadni na'e tavka'e
.ija'ebo le prije cu darxi ty.


cimo'o
.i le ka jinku cu catra le ka bilma soi vo'a
.i le ro munje cu jinku .i ma sevzi do


vomo'o
lo prije pu cusku lu le ro tcedze fe'eroroi skicu le gidva je sidju
jmive bo prenu .ida'i ri goi ko'a penmi ci le bilma prenu goi ko'e
.i ta'i ma ko'a ko'e ka'e gidva .i mupli fa le visnarka'e prenu
.i ko'a ka'e lafmu'u le mruli .e le grana .iku'i le prenu na viska
.i le tinynarka'e prenu na'eka'e tirna lei voksa valsi .i mupli fa
le tavnarka'e prenu .i ko'a ka'e minde le prenu le nu tavla .iku'i le
prenu na tavla .i ta'i ma ko'a ko'e ka'e gidva  .i ganai ko'a na'eka'e
givda ko'e gi le nu banli ctuca cu se jalge no da li'u

ni'o le tadni puki cpedu le nu ciksi be di'u le prije .i le prije cu
cusku lu ko xadykro li'u .i le tadni co'i xadykro gi'e co'a sanli
.i le prije cu troci le nu grana tunta le tadni .i le tadni mo'iti'a
muvdu .i le prije cusku lu do na visnarka'e li'u .ibabo le prije
minde ko'e le nu mo'ica'u muvdu .i ca le nu le tadni mo'ica'u muvdu kei
le prije cu cusku lu do na tinynarka'e li'u .ibabo le prije cusku lu
xu do jimpe li'u .i le tadni cusku lu na go'i li'u .i le prije cusku
lu do na tavnarka'e li'u .icabo le tadni cu suksa pagre