lisri pagbu mumoi

["Jorge Llambias" <jjllambias@hotmail.com>]

i ni'o lu do so'ire'u prami li'u i lei valsi pe la norman
cu stali le menli be la melnak ze'a le nu my cadzu fa'a
le barja i jetnu fa le nu my so'iroi pu prami da iseju
ba'ucu'i my so'iroi pu birti le nu prami i le cuntu roroi
mulno ba le cfari zi lo jeftu be li so'u a li so'o ba'u
i ku'i le cabna cu frica i my sutyzengau le nu stapa i na
djica le nu lerci i bazi sutyjdikygau i na djica le nu
clira i ji'acai snozengau i xagmau fa le nu depygau i
oise'i my tarti le nu bebna i na tcaci i ju'o la selmac
ro le drata cu frica i seju ba'ucu'i la melnak cu birti
di'u

mu'onai
co'o mi'e xorxes


________________________________________________________________________
Get Your Private, Free E-mail from MSN Hotmail at http://www.hotmail.com