Meaningless talk

[Invent Yourself <xod@sixgirls.org>]

This is the article I posted on balvi that I mentioned to pc. It deals
directly with the sort of discussion that has arisen concerning su'u and
cmene, and imaginary worlds.

I have started a new job and I am very busy, and I will get to correcting
the luminance problem on balvi.org as soon as possible. It is more
involved than it might appear; it requires that I re-write some software
first.




co'a fanmo
----------

.i mi di'i puzu ze'u pensi je darlu lei sidbo sela'u tu'oki'omei cacra
.i mo'ada nibli jalge le du'e puvydarlu me'a le ni cilre
.i seri'abo mi co'a lanli le si'o smuni kakne joi smuni tolkakne fi'o tarmi le si'o sidbo selciste joi ke sidbo terckini ke'e terciste
.i da'o ca'e da poi jufra zo'u da smuni kakne va'o le du'u da ponse le di'e remei sarcu<p>

1: .i ro de poi sidbo cu'u da zo'u de po'e le satci smuni
2: .i ro bu'a cu'u da zo'u di cipra le ka fatci le bu'a

.i .oi le se lifri cu mleca lo'e jinvi le ni le remei sarcu cu zgana



cipra le ka smuni kakne lo'e karni
----------------------------------

.i sepi'o le mi cnino puvycipra ku mi pu gunta le fadni karni
.i gau mi barna le ro smuni tolkakne jufra
.i piso'a le na'e selbarna jufra cu nu sitna ni'i li'a le du'u le selsitna ca'a cusku le tersitna .u'i
.i za'a piji'ipasi'e le jufra cu smuni kakne
.i mi stidi le nu ko troci la'e di'u



ju'ocu'i danfu
--------------

.i mi ba'o kucli troci le nu pilno le verba be ra'i le glico be'o po'u la'o gy. E Prime .gy goi ko'a
.i ko'a glico bangu secau le valsi be fa la'o .gy is .gy goi ko'e
.i le nu cusku ko'e kei na'o nandu le lojbo ki'u le du'u so'ida poi jbovla ka'e mapti ko'e
.i ji'a du'emei smuni ko'e
.i ku'i le lojbo ze'e pilno le sidbo
.no'i ko'a troci le za'i satci cusku
.i snada
.i ku'i na snada le mi seldjica ki'u le li'i dukse frili fa le nu fanva le smuni tolkakne jufra le fadni glico ko'a<p>

.i <a href="http://www.generalsemantics.org/Education/WEPrime.htm";>to'unai tu</a>




vlipa klesi
-----------

.i le li'i go'a cu rinka le pu'u mi karbi lei bangu fo le ka smuni kakne
.i mi facki le du'u lu'o cmaci joi skami bangu goi ko'i cu ckaji le ka smuni kakne
.i .a'u ko'i ponse noda poi na'ebo lu'a sidbo joi sidbo terckini ku po'e ro le rarbau
.iseni'ibo ro ry. nu'o smuni kakne
.i ku'i na fatci ki'u du'e lu'o sidbo joi sidbo terckini
.i le nungunka sela'u da'aci'i cu sarcu le zu'o galfi ry. le smuni kakne



pensi penmi
-----------

.i za'a le pu'u darlu da de bau le smuni kakne cu bazu farvi le za'i da mintu de
.i ca'e le si'o mintu farvi cu smuni le go'i
.i baza pu'i finti le fatci cipra be sebai le nu le srera cu drabi'o
<i>(.ija le verba na srera ba'o le mo'u lei srera cu rarmorsi)</i>
.i mu'a lei rarske
.i le xukske ca'o darlu .i ku'i na damba fi le terdamba pe le pu ctona'a
.i pe'a .o'a le mintu farvi ke seltadni joi gunka cu banli zbasu le tsali galtu stura le smuni kakne nunpensi<p>

.i za'a le pu'u darlu bau le smuni tolkakne cu farvi ja'e du'emei le seldarlu
.i ca'e le si'o frica farvi cu smuni le go'i
.i le frica farvi casnu zo'u le ni seldarlu .e le ni terdamba ze'e zenba
.i .uu noda poi na nuncatra cu danfu le zu'o frica farvi damba ni'i le du'u le fatci cipra ka'enai zasti
.i mu'a lidja
.i mu'a jecta sidbo
.i .a'unai pe'a ja'e noda lei xislu ze'e carna mo'ipa'o le dertu pesxu<p>

.i va'i le remei dukti klesi be le pensi be ja'e da cu puvysucta joi puvylogji
.i ca'e le puvysucta zo'u nunkanji lo'e banli fatci loi steci fatci
.i kakne le nu cipra le fatci le puvysucta jalge
.i ji'a go'i sarcu le du'u cumki fa le du'u le jalge cu jitfa
.i ca'e le puvylogji zo'u nunkanji le selnibli loi sruma fatci mu'u le cmaci
.i le nu cipra le jetnu le puvylogji jalge na sarcu ki'u le du'u le jezyjalge dunli le jezysruma
.i le smuni kakne casnu cu curmi vu'i puvysucta joi puvycipra joi puvylogji poi pu'u rarske
.i ji'a li'a le smuni tolkakne casnu na curmi le puvysucta .a le puvylogji<p>

.i mi na birti le du'u le ju'oske cu smuni kakne


xu la lojban ka'e sidju
-----------------------

.i le ka la lojban cu smuni kakne ku na banzu le nu ze'e mintu farvi darlu
.i pe'i ly. zmadu le na'e lojbo rarbau le ka smuni kakne ki'u le du'u le ka satci cu jinzi le ly. gerna
.i ji'a le kulnu be ly. cu xarnu le ka nalsatci
.i ji'a ma'a mutce pensi ca le zu'o ciska bau ly. kei ki'u le du'u ly. na jbena bangu da
.i za'a casnu bau ly. secau le bebna fanza cfipu mu'u tu'a frica fa zo le zo le'e
<p>

.i ru'a casnu bau le curve logji goi ko'a sekai le du'u ka'e kanji le selnibli lei selsku be bau ko'a
.i ko'a simsa le flalu bangu le ka satci
.i ko'a ke kakne bacru ke'e logji sepi'o le logji terckini valsi be semau roda<p>

.i mo'u zbasu le sidbo zbepi tefi'e le nu ze'uba pensi
.i bazidi'a me la'e dei
.i mi'e <a href="mailto:xod@balvi.org";>xod</a>

fa'o



-----
We do not like                                       And if a cat
those Rs and Ds,                                     needed a hat?
Who can't resist                                     Free enterprise
more subsidies.                                      is there for that!