Re: [lojban] RE: imaginary worlds etc.

["Jorge Llambias" <jjllambias@hotmail.com>]

la xod cusku di'e

> no da poi na rarbau tcaci cu cupra le za'i jimpe .i le remei jufra ca'anai
> cusku da poi smuni

i do za'o xusra la'e di'u i ku'i do jimpe le smuni

> .i (ji'u la'e da'u poi mi cusku fi la pycyn.) no da cipra le jei le remei
> jufra ni'i le du'u le selcu'i na fatci

i le du'u le jufra ka'e se jimpe cu fatci
i mi do tugni le du'u le pamoi jufra cu se smuni le du'u
le nu do tolcliva cu balvi le nu ko'a cliva i do na nelci
le sinxa velcki be le jufra

> .i na cumki fa le nu krefu lifri le pu se lifri .i to'unai da poi mi ba'o
> lifri ke'a zo'u mi ka'enai rapli lifri da

i jetnu i na satci rapli

> .iseni'ibo ja'o ro le jufra be
> le xanri munje ze'e smuni tolkakne

i di'u na logji se nibli i le nu jimpe le smuni cu na nibli
le nu rapli lifri

> .i mi ba'o cusku le mi logji bau le
> glico (.i ku'i le ro nafmupli zo'u jy. tcaci mifra le drata sidbo

i ro selsku cu mifra lo sidbo i lei selsruma jufra na se steci

> > i le nu pilno lu ga nai li'u le nu fanva di'u cu se srera
>
> .xu do selcinri le du'u la lojban. jarco le ra fatci

i go'i i ku'i le glico ji'a jarco le terfrica sepi'o
le temci tcita

> .ni'o la'a mi'o ca'a farvi le cnino seldjuno .i ku'i da poi pu casnu
> ze'enai sajbi'o ra ni'i le du'u da dukse lazni le nu lojbo tcidu

i mi senpi le du'u cnino i ku'i ie lei lazni na cpacu lo pagbu be
le zdile

co'o mi'e xorxes




_________________________________________________________________________
Get Your Private, Free E-mail from MSN Hotmail at http://www.hotmail.com.