Re: [lojban] Meaningless talk

["Jorge Llambias" <jjllambias@hotmail.com>]

la xod cusku di'e

> 2: .i ro bu'a cu'u da zo'u di cipra le ka fatci le bu'a

i di'u gendra i ku'i na se smuni le do se skudji
i xu smuni kakne

> .i .oi le se lifri cu mleca lo'e jinvi le ni le remei sarcu cu zgana

i di'u ji'a na smuni le do se skudji i ku'i pe'i mi jimpe
le du'u do makau skudji i xu le jufra cu smuni kakne

> .i piso'a le na'e selbarna jufra cu nu sitna ni'i li'a le du'u le selsitna 
> ca'a cusku le tersitna .u'i

i le do mupli mi xajmi le nu cafne fa le nu lei karni
cu sitna loi satci valsi secau le mulno vanbi ja'e
le nu le smuni poi se benji cu se srera

> .i za'a piji'ipasi'e le jufra cu smuni kakne

i lu lo piji'ipasi'e be lei jufra cu smuni kakne li'u
e lu piji'ipa lei jufra cu smuni kakne li'u cu gendra

co'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.