Re: ko kau?

["Adam Raizen" <araizen@newmail.net>]

la xorxes cusku di'e

> >i ro bu'a zo'u ro nu bu'a kei cu ka'ejuca'a fasnu
> 
> i xu mu'a ro nu lo xarju cu vofli ka'e fasnu
> i xu lo nu ca le cabdei do puba'o binxo lo toldi ka'e fasnu
> i xu ro xanri ka'e fasnu

i pe'i le romei ka'e fasnu i du'o le cukta to pano pi'e paso moi co 
ckupau toi zo ka'e sinxa le du'u le bridi cu se jinzi le ka ce'u se 
kakne i cumki fa le nu zo kakne frica i pe'i ro la'ozoi events zoi pe 
le lojbo gerna to goi ro lo ka'e fasnu toi cu se jinzi le ka ce'u 
ka'e fasnu i pe'i le du'u xukau ro da ka'e fasnu cu na srana le du'u 
xukau da cumki ja lakne jakeji'a cumki jeke logji se nibli va'o le 
zasti munje i mi tugni fi le du'u le du'u makau smuni zo ka'e na se 
birti i lacri le du'u makau se pilno ve djuno i ku'i pe'i se pilno fa 
le nu te smuni le ka ka'e fasnu kei le ka ce'u stura dunli loi ca'a 
fasnu gi'u ca'a fasnu ja zasti ja racli

> >i to xu lo'e fasnu ka'e dacti i mi za'o na jdice toi
> 
> i lo'e ca'a fasnu ca'a zvati je se tcika i ku'i lakne fa
> le nu? na marji

i le te bridi be zo mucti na panra le te bridi be zo marji i ja'oru'e 
zo dacti cu zmamapti le dukti be le smuni be zo mucti i pau ro dacti 
cu marji ije'i cumki fa le nu mucti

mu'o mi'e adam