Re: [jbosnu] kau

["Jorge Llambias" <jjllambias@hotmail.com>]

la xod cusku di'e

> .i mu'a lu mi djuno le du'u la djan. xabju makau li'u goi ko'a .i ma smuni
> la'e ko'a .i do'anai mi djuno ma sa'e

i va'o le nu la djan xabju abu kei la'e ko'a smuni le du'u mi
djuno le du'u la djan xabju abu

i va'o le nu la djan xabju by kei la'e ko'a smuni le du'u mi
djuno le du'u la djan xabju by

i va'o le nu la djan xabju cy kei la'e ko'a smuni le du'u mi
djuno le du'u la djan xabju cy

i va'o le nu la djan xabju noda kei la'e ko'a smuni le du'u mi
djuno le du'u la djan xabju noda

i li'o li'o

> .i ka'u la'e ko'a na nibli le du'u
> mi slabu le selxabju be dy.

i drani to _se_ slabu toi

> .i la'acu'i mi punai vitke le zdani gi'e djuno
> le velklama

i lu djuno le velklama li'u na drani i le velklama genai jetnu
ginai jitfa i le velklama na ka'e se djuno i do ka'e djuno
le du'u makau velklama le zdani be la djan

> .i va'o le du'u mi slabu le judri po'o kei mi cusku .eisai
> tu'a vo'a

i do na bilga le nu cusku ro da poi do djuno la'e da

> .i ta'o ru'a ro da poi sidbo zo'u ka'e cusku da sepi'o gonai le bridi gi
> le sumti

i pe'i la'e di'u jitfa i su'o da poi sidbo zo'u ja'a ka'e cusku
lu'e da sepi'o ge le bridi gi le sumti

> .i ja'o zo kau na sarcu le pu'u cusku da poi ka'e seldjuno

i mi na djuno le du'u zo kau mokau sarcu i cumki fa le nu ky na
traji sarcu i ku'i pe'i ky mutce le ka sidju fi le nu cusku

co'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.