Re: [lojban] More Alice

["Jorge Llambias" <jjllambias@hotmail.com>]

Ok, now it is perfectly regular, we can dance in Lojban:

   e'o SUtra doi cakCURnu i ko TI'a zgana UA pa
   xajyFI'e noi jbiTRIxe gi'e ME mi rebla STApa
   i ui A'a ro le JUKni e le RESpa ca se GANse
   gi'e DENpa mi le CANre i pei DO ba kansa DANsu
      i AIpei NAIpei AIpei NAIpei AIpei DO ba dansu
      i AIpei NAIpei AIpei NAIpei NAIpei DO ba dansu

   i do KA'enai se XANri le nu PLUka co moKAU
   ca le NU mi'o se RENro fi le XAMsi i'a AU
   i darDUKse i darDUKse sei cy SPUda tolselMANsa
   doi merLAnu ki'e KU'i inai MI ba kansa DANsu
      i AInai EInai AInai EInai AInai MI ba dansu
      i AInai EInai AInai EInai EInai MI ba dansu

   i na SELvai le ni DARno sei le PENdo ze'i FRAti
   i iaSAI lo drata KORbi ca'a DRAta mlana ZVAti
   i le NI darno le GLIco cu ni JIBni be la FRANs
   i ko CARna doi cakCURnu i ei DO ba kansa DANsu
      i AIpei NAIpei AIpei NAIpei AIpei DO ba dansu
      i AIpei NAIpei AIpei NAIpei NAIpei DO ba dansu


mu'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.