Re: [lojban] Best wishes**(see note A)

["Adam Raizen" <araizen@newmail.net>]

la pycyn. cusku di'e

> Before we start working on patents, we might try to cut teeth on a
simple
> official greeting card.

It would take nothing short of a miracle for the EU to accept lojban
for its patents when they won't even seriously consider Esperanto.
Probably Quenya has a better chance of becoming recognized.

ni'o .e'o ko sarxe co terdu'a secau ro se bilga ju se jimpe ju se
cusku le nu mi traji pacna le nu rarvanbi bo sanji jeke jikca fuzme
jeke dunku claxu jeke na'e jaica malylacri jeke cinkle nutli co te
salci le nu tolclarai donri gi'e se zukte co selpukrai ritli be le se
cuxna be do te lijda .a le se cuxna be do te naljda sekai le nu sinma
le lijda ja naljda se krici ja tcaci be ro drata kei .a le nu ri cuxna
le nu mulno le ka na te ritli fi lo jdara'a ja naljdara'a kei kei kei
gi'eji'a jaicake jdini snada ke'e jeke sevzi mansa jeke velmikce
nalpluja co nu sanji le nuncfari be le cafne se pilno detci'e nanca
2002moi kei secau le nu tolsinma ro se cuxna detci'e be sepi'o ro
drata kulnu noi le se jmina be ke'a bei le jikce'u pu sidju fi le nu
balgau le merko gugde ku'o (to secau le nu seljmigau le du'u la'e zo
merko cu vasru le mergu'e po'o gi'a romei piro loi se cmene be zo
"merko" bei ne'i le stici tedypau kei .e le nu lo pagbu be le
bemjoltco gugde cu milxe co xagmau lo drata tumla be ne'i le bu'u
plini .a lo drata toi) secau ji'a le nu se vajni le du'u makau remkle
fa'u selkrici'e fa'u kapselska fa'u se nanca fa'u majyxadni bo se
kakne fa'u lijda fa'u tercinselnei fa'u datselkai be le se rinsa

ni'o ca'e bai le nu do sarxe te dunda dei poi te rinsa kei do sarxe
la'e di'u poi sarcu bapli .i la'e dei poi te rinsa cu .e'a se
seljmicne ja se vimcu .i .e'a le go'i cu jimte claxu se benji bai le
nu na galfi le krasi ke te rinsa se cusku .i le go'i cu seljmigau no
du'u le rinsa cu nupre le nu ca'a faurgau lo se pacna pe vo'a .a lo
drata kei kei gi'enai se vamji bu'u ro da poi bu'u ke'a vo'a cu to'e
se flalu ku'o gi'e selvamcaubi'o bai le nu le rinsa po'o cu jdice

ni'o ca'e dei poi te rinsa zo'u nupre le nu tolpo'u setai le se pacna
tedi'o le fadni te rinsa faurtadji nu'iga ca'o lo nanca be li pa be'o
(to .a lo drata ke ditcu gradu poi se cuxna do toi) nu'ugi mo'u le nu
se benji fa lo se lidne ke te salci te rinsa selsku nu'u mo'u le lidne
(to na seljmigau le du'u le pamoi bi'ai xagrai toi) .ije le se nupre
cu se jimte le nu basysabji fi le te rinsa se cusku gi'a benji lo
cnino te rinsa se cusku .i le rinsa po'o cu .e'a jdice

mu'o mi'e .adam.