[lojban] Le petit prince - VI

["Jorge Llambias" <jjllambias@hotmail.com>]

ni'o iu doi cmalu noltrube'a mi ca'o jimpe taiku fi le do badri
ke cmalu nunjmive i do ze'u se zdile no na'e bo lo'e nu xutla pe
lo'e solri nu canci i mi facki le di'u cnino tcila ca le cerni be
le vomoi donri ca le nu do cusku di'e

-- i mi mutce nelci lo'e solri nu canci i e'u mi'o viska lo solri
nu canci

-- i ku'i e'i mi'o denpa

-- i denpa ma

-- i denpa le nu le solri cu canci

i do simlu le ka mutce se spaji kei ca le cfari ibabo do do
mi'afra i do fi mi cusku di'e

-- i ue mi za'o krici le du'u mi zvati le memimoi

ni'o je'u ca le nu dormidju fi le merko kei le solri cu ka'u
canci le fraso i banzu fa le nu klama le fraso ze'i lo mentu kei
le nu zvati lo solri nu canci i ku'i uinai le fraso cu mutce le
ka darno i ku'i bu'u le do tai cmalu terdi cu banzu fa le nu
bevri le do stizu ze'a lo taplai be li so'o i do viska lo'e
solri nuncanci ca ro krefu poi do djica

-- i ca lo djedi mi viska le nu le solri cu vociroi canci

i bazaku do jmina cusku di'e

-- i o'e ca lo'e nu zu'i tai badri kei zu'i mutce nelci lo'e
solri nu canci

-- i ja'o ca le djedi pe lei voci krefu do tai badri pei

i ku'i le cmalu noltrube'a na spuda

-------------------------

mu'o mi'e xorxes



_________________________________________________________________
Join the world?s largest e-mail service with MSN Hotmail. 
http://www.hotmail.com


------------------------ Yahoo! Groups Sponsor ---------------------~-->
4 DVDs Free +s&p Join Now
http://us.click.yahoo.com/pt6YBB/NXiEAA/MVfIAA/GSaulB/TM
---------------------------------------------------------------------~->

To unsubscribe, send mail to lojban-unsubscribe@onelist.com 

Your use of Yahoo! Groups is subject to http://docs.yahoo.com/info/terms/