[lojban] Re: lei vrici .e lei cilce .e lei la'a to'e cnici

["Jorge Llambías" <jjllambias@gmail.com>]

On Fri, Sep 12, 2008 at 4:43 PM, Brett Williams <mungojelly@gmail.com> wrote:
>
> .i .ua .i do li'a za'a mi zmadu lo ka cmene catni ki'u mu'a lo nu do morji
> lo du'u zo .loj. la .lojbab. cmene

.i mi pu frati fi zo curmi .i ju'o cu'i mi zmadu fi lo ka catni ia
ru'e lo nu stidi .i ku'i ju'o sai na catni lo nu curmi ja tolcurmi lo
nu do te cmene da ma kau poi do djica .i ji'a du'o mi no da pu ca'a te
cmene la .lojbab. zo .loj.

> .i xu do djuno le du'u ki'u ma kau la .loj. na'e jundi .a'u ro'e

.i na go'i .i la'a ly zukte se cuntu lo drata

> .i .u'e le lujvo le fu'ivla cu zmadu le ka mi ce'u nelci .i zo visnda cu
> nandu se bacru mi

.i mi ji'a na mutce nelci lo zunsna slaka

> ni'o zo bembrabakni simlu lo ka simsa zo brabracrida kei mi .i mi na mulno
> djuno le smuni zo brabracrida .i xu do .a la gejyspa ba .e'o tavla fi zo
> brabracrida

.i ri tolci'o lujvo .i ri xa'o zasti ca lo nu mi co'a lojbo .i ju'o do
se slabu lo smuni .i so'i verba lisri cu vasru lo brabracrida .i xu do
no roi ve lisri fo mu'a lu la djak jo'u lo dembi spati li'u

> no'i si ni'o zo bembrabakni cu milxe cizra va'o tu'a lo cmene be la .kik. .i
> la .kik. cu se cmene zoi zoi little buffalo zoi ji'a .i lo'u la cmalu
> bembrabakni le'u cu vasru pe'a zo cmalu .e zoi raf bra raf

.i na nabmi .i cumki fa lo nu ge lo brabakni cu barda fi lo fadni
bakni gi su'o brabakni cu cmalu fi lo fadni brabakni

mu'o mi'e xorxes


To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.