[lojban] Re: drani a'o pinka zo pa jo'u zo su'o

["Jorge Llambías" <jjllambias@gmail.com>]

On Wed, Sep 24, 2008 at 3:52 PM, Roman Naumann <eldrikdo@gmail.com> wrote:
> ni'o ro lo ci prenu goi ko'a
> .i pa ko'a goi fo'a naku kakne lonu bacru
> .iseni'ibo su'o ko'a naku kakne lonu bacru

.i logji drani .i ku'i cirko lo xadba be lo datri .i lo pa moi cu
nibli lo ji'a du'u su'e pa ko'a na ku kakne lo nu bacru

> .iseni'ibo ro ko'a na kakne lonu bacru

.i drani fo CLL .i ku'i ba'e mi na zanru .i lo nu tai pilno zo na cu
rinka lo nabmi va'o lo pluja zmadu jufra .i lu na ku ro ko'a kakne lo
nu bacru li'u cu xamgu

> .iseni'ibo me'i ko'a kakne lonu bacru

.i drani

> .i la'edi'u dunli la'edi'uxire e la'edi'uxici
>
> .ita'o mi djuno lodu'u na dunli
>        fa lu .i pa ko'a goi fo'a naku kakne lonu bacru li'u
>            lu .iseni'ibo su'o ko'a naku kakne lonu bacru li'o

je'e .i ji'a cumki fa lu pa ko'a na ku kakne lo nu bacru .i se ni'i bo
su'o da du su'o de li'u .i la'e di'u cirko lo mulno datni

> .ita'o mi'o na djuno lojei re ko'a poike'a nadu fo'a ku'o kakne lonu bacru

.i pe'i ja'a djuno .i lu pa ko'a na ku broda li'u dunli lu da'a pa
ko'a ja'a ku broda li'u .i va'o lo nu li ro du li ci kei li da'a pa du
li re .i ja'o re ko'a kakne lo nu bacru

mu'o mi'e xorxes


To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.