[lojban] doi snan

[tijlan <jbotijlan@gmail.com>]

doi snan lo cinri be do poi do pu jarco bu'u la'o zoi Lojban IRC zoi
zo'u mi puza fanza la'e la'o gy Heart Sutra gy ( uik
http://en.wikipedia.org/wiki/Heart_Sutra uik ) .i o'i mi na'e reflanli
ra co'a lo romoi nu mi tikciska ra - seni'ibo lakne fa lo nu so'o
gencfi ja cfipu cu pagbu ra

.i lu

lo notci be le prane velju'o

.i le kurjyzifre sisku vedu'o lo prane cu ganse lo ka seja'egi ro le
mu terci'e cu kunmoi gi ro seldunku cu te ragve

.i doi .cariputras.

.i naku frica fa lo majmoi lo kunmoi soivo'a .i ge my. kunmoi gi ky. majmoi

.i naku go'e fa lo kamganse .a lo kamsidbo .a lo kamzukte .a lo
kamsanji vau ji'a

.i doi .cariputras.

.i la'edi'u noi dimgerna cu kunmoi sekai lo ka narcfari jebo narsisti
je narxlali jebo narxamgu je narzenba jebo narjdika

.i va'o lo kunmoi da no'e majmoi

.i no'e ke kamganse ja kamsidbo ja kamzukte ja kamsanji

.i no'e ke nunviska ja nuntirna ja nunsumne ja nunkukte ja nunxadni ja nunmenli

.i no'e ke dactymoi ja sancymoi ja pancymoi ja vrusymoi ja pencymoi ja pensymoi

.i no'e du'igi selzganymoi gi selsanjymoi

.i vitno co gu'enai to'e jimpe ginai je'a jimpe

.i vitno co gu'enai to'e laldo ginai je'a laldo du'i

.i no'e ke dukfau ja dukcmu ja duksti ja dukre'i

.i no'e ke nunprije ja nunsnada

.i seja'e lo nu no'e snada kei lo menli po le sisku cu ka'e no'e se dicra

.i seja'e lo nu no'e dicra kei le sisku cu ka'e no'e xanka

.i ni'igi na lacryjibni lo xarmoi gi se lifrytcini lo rairmoi

.i le jimpe co purci joi cabna joi balvi cedra ji'u le prane velju'o
cu prane jimpe

.i ja'o le prane velju'o cu me lo banli ja traji rinka jabo stidi noi
binra nurgau fi ro dunku

.i ki'uku bacru lo sinxa be le go'i

fi'o sance zo'oi .गते गते पारगते पारसंगते बोधि स्वाहा.

li'u

mu'o mi'e tijlan


To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.