Re: la snedza

[Spigot <spigot@neuron.net>]

.i .a'u zo'o ba'acu'i mi lojbo ciska ne semau lojbo tcidu

>>.i leka clatei pu se simsa le cabjeftu mi .i mi na pu sipna rauroi
>
> i zo'o pau do na pu sipna zeroi le jeftu ije'ibo do na pu sipna 
> pirauroi le jeftu

.i mi na'e birti cusku di'e .i mi zeroi pu sipna fi'o temci
me'i bi cacra .i xu da poi jufra cu pluja seme'a di'u

>> .i le tcepei pu piso'iroi nandu mi .ija'e mi pu piso'uroi zukte
>
> i le tcepei ki'a i xu le nu tcepei i do mutce le ka pensi ma

.i mi pu te smuni zo tcepei la'e lu pensi .a'icai.ai .i mi pu
menli tatpi

> i cinri i do pu su'oroi klama gi'i ca pare'u klama 
> i a'o do ba skicu le do se lifri mi'a 

.i mi pu su'oreroi klama la snedza .i le du'u pamoi vitke kei pu temci
na'e clani ki'u le mi pendo pu to'e nelci le sance .i le du'u remoi
vitke kei goi ko'a pu temci clani .i ko'a pu ranji re cacra .i le sance
pe la snedza ku ku goi ko'e cu pluja .i ko'e cu cenba le ka dikslicai kei
fo le stedu muvdu .i ko'e cu to'e sarxe ja'e ko'e cu gunma so'i
fapro tonga .i zo'o ko'e cu simsa le cizra minji sance .i .u'e
ko'e ru'i cenba gi'e ru'i stodi .i go mi ze'u stali la snedza gi
le tirna pe mi cu carmi ba le nu mi cliva la snedza .i .uinai
mi na'e vitke la snedza ca le prulamjeftu ki'u la snedza pu na'e
te plicru .oi

>> go do na se sevzi gi do na'e frica le mulno munje
>
> i lo prenu no'u na'ebomi cu jinvi le du'u ro da sevzi le mulno munje

.i .ui mi nelci di'u