Re: [lojban] irc

[Elrond <grey.havens@earthling.net>]

coi

> li'o
> More such 
> sessions on a scheduled basis might help more along -- weaning us away from 
> our quick search devices if nothing else.

oiru'e u'i nu'i ge la'e di'u nu'u gi ca le pamoi be le'i catni nu jbojmaji
be la irk be'o ku le nu lo ba catni nu jbojmaji cu di'i so'omei cu pu ru'i
se krici mi .i segu le nu le pu nu jbojmaji be la irk cu na se casni cu se
xenru gi mi pacna je krici le du'u lo ba nu jbojmaji cu so'imei gi'e se
jundi lo prenu so'imei

ni'o iaru'e lo nu jbojmaji cu sidju ma'a lo zu'o pilno le bangu selpilno
.i mu'a ge le nu mi pilno la jbofi'e cu za'o du'emei uu giku'i mi di'i
zvati la irk to .i ia le du'u lo jmaji cu pu mo'amei cu rinka la'e di'u
toi

ni'oni'o
ta'o ca le cabdei to le nu co'e le vinji cu tolclira toi mi klama la za'e
tailand to ijebo oisai litru fi'o se cacra li paxa toi .ijeseki'u mi na ca
djuno le du'u xukau mi co'e la internet ca le bavdei

co'o mi'e rafael


fa'onai ni'o ge mi pu djica le nu zvati la irk ca li 19;30 giku'i uucai mi
za'o oisai sipna to le nu jmaji cu se tcika li 01;30 vi mi toi .i xenru
.i ai mi ba troci le nu mi zvati a'o la logfest pe li 2001 .iku'ibo le nu
nau pensi cu clira