Re: [lojban] lo zerle'a joi lo brojdaja'a to xajmi toi

["komfo,amonan" <komfoamonan@gmail.com>]

2010/4/15 Jorge Llambías <jjllambias@gmail.com>

On Thu, Apr 15, 2010 at 11:27 AM, Michael Turniansky
<mturniansky@gmail.com> wrote:
> lo zerle'a cu klama lo brojdaja'a fi'o se bevri lo dindakli noi culno
> lo jdini ku'o

.i ca ku mi na djuno lo du'u lo zerle'a ji kau lo brojdaja'a cu bevri
lo dindakli .i ba bo ku'i mi facki lo du'u lo zerle'a cu co'e

> gi'e cusku lo se du'u zy. pu facki fi dy. bu'u lo klaji

.i ca ku mi kucli lo du'u lo zerle'a cu facki ma kau lo dindakli bu'u
lo klaji .i ba bo ua mi jimpe lo du'u lo zerle'a cu tolcri lo dindakli
lo klaji gi'e bu'u bo facki lo du'u dy dakli lo jdini

> gi'e djica lo nu le brojdaja'a cu sisku tu'a le ponse be dy.

.i ca ku mi kucli lo du'u ma kau me le ponse be dy .i ji'a kucli lo lo
du'u zy djica lo nu by sisku lo py ka mo kau .i ba bo mi sruma lo du'u
zy djica lo nu by troci lo nu tolcri lo ponse be dy

> keikei by

.i ca ku mi ze'u pensi lo du'u ro zo kei cu fanmo ma kau .i ba zu bo
mi facki lo du'u by te cusku

> .i bazi lo nu le zerle'a cu cliva kei le brojdaja'a cu cfasanji lo
> du'u lo po by. solji kanjunla cu se claxu

.i ca ku mi jinvi lo du'u mi tolcri no da poi mi djica lo nu te pinka
ke'a .i ba bo mi co'a sanji zo zi gi'e ku'i jdice lo du'u na te pinka

> .i by. cpedu fi lo by. sidju fe lo nu sisku tu'a le zerle'a

.i ca ku mi kucli lo du'u lo sidju cu te cpedu lo nu sisku lo zy ka mo
kau .i ba bo mi smadi lo du'u by djica lo nu sy klagau zy boi by

>.i le
> sidju cu se'ixru fi'o se kansa le zerle'a .i je'u le solji kanjunla cu
> nenri lo zy. daski

,i ca ku mi dapma lo valsi po'u zo se'ixru lo nu klama lo ze moi
tolcevzda .i ba bo mi surla

> .i le brojdaja'a cu cusku lu mi na jimpe .i do pu klama lo briju be mi
> tezu'e lo nu xruti  lo dindakli noi culno lo jdini .ibazibo ku'i  do
> zerle'a xu lo mi kanjunla li'u

.i ca ku mi zgagau lo tcidu lo du'u .ei zo xrugau cu basti zo xruti
.i ba bo mi morji lo nu .ei jmina lo du'u lo nunpli be mi cu na catni
se zanru

> .i lu ko ga'inai curmi lo nu mi ciksi  sei le zerle'a zo'e spuda

.i ca ku mi se spaji lo nu pilno zo zo'e .i ba bo mi za'o se spaji

>.i le
> dindakli mi tese facki .iseni'ibo mi bilga lo nu xruti dy. kei lo
> xebro flalu .i ku'i lo nu zerle'a cu  ba'e jibri mi li'u

.i ca ku mi cmila .i ba bo ku'i mi senpi lo du'u zy na bilga lo nu na
zerle'a kei lo xebro flalu

ni'o xajmi doi gejyspa .i ku'i .oi do nelci lo nu pencu du'e lo mi bangu nirna

ni'o ge le xajmi gi le pinka cu te frati lo nu cmila kei mi .i ge mi milxe co xebni zo kanjunla gi nai a'u cu'i kakne lo nu finti lo selxeime'a vau zo'o .i mu'o mi'e komfn

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.

For more options, visit this group at http://groups.google.com/group/lojban?hl=en.