Re: [lojban] lo zerle'a joi lo brojdaja'a to xajmi toi

[Jorge Llambías <jjllambias@gmail.com>]

On Fri, Apr 16, 2010 at 10:55 AM, Michael Turniansky
<mturniansky@gmail.com> wrote:
>
> .i pa'e mi pu kakne lo nu pilno lu li'o gi'e bevri li'o li'u

.i je'e .i ta'o lo'u li'o gi'e bevri li'o le'u

> .i la gi'uste .e la jbovlaste cu terci'a zoi gy. facki ... x1 finds
> (fi) x3 object gy.

.i go'i .i ku'i lo nu catni se zanru ja se stidi cu na mintu lo nu racli

> .i lo za'e spero jbovlaste cu panra .i lo spano
> po'o jbovlaste cu frica .ije mi krici lo du'u do pu ciska ri .i da'i
> do cu se raktu lo du'u go'a .i ko jai galfi ru

.i .u'u lo glico gi'uste cu censa gi'e na ka'e se galfi

> no'i ji'a la gi'uste .e la jbovlaste cu terci'a zoi gy. sisku...If
> searching for an object or an event, use tu'a in x2 gy. .i mi na fuzme
> lo nu do puna tcidu ra

.i mi ja'a pu tcidu .i ku'i uenai lo nu se tcidu cu na rinka lo nu
binxo lo racli

>.iji'a by. na'e kakne lo nu tolcri lo ponse be
> dy. kei ki'u lo nu ri genai selcri be da gi ku'i zvati lo na'e te
> djuno be fa by

.i ge lo nu cirko na sarcu lo nu tolcri gi lo nu tolcri na sarcu lo nu
cirko .i li'a ganai da'i by djuno lo du'u py zvati ma kau gi by na
nitcu lo nu tolcri py


> .i .uanai .a'u ma noi srana zo zi cu se raktu do

.i do djuno .i pe'i zo zi cu tcita lo temci .enai lo se temci

>>> .i by. cpedu fi lo by. sidju fe lo nu sisku tu'a le zerle'a
>
>> .i ba bo mi smadi lo du'u by djica lo nu sy klagau zy boi by
>
> .i lo se du'u go'i na se cusku .i by djica lo nu facki lo du'u zy cu
> zvati makau .i mi sruma lo du'u by djica lo ji'a nu sy klagau zy boi
> by .i ku'i le lisri na jungau ma'a

.i va'o lo nu da'i do cusku lu sisku le zerle'a li'u kei mi na pante
.i mi se mansa lo nu zo sisku cu se smuni lo du'u tolcritoi .i ku'i lu
sisku tu'a da li'u cu cizra gi'e na mintu zo tolcritoi

> .i do stidi lo nu pilno ma noi basti zo se'ixru

.i zo xruti


>>> .i lu ko ga'inai curmi lo nu mi ciksi  sei le zerle'a zo'e spuda
>>
>> .i ca ku mi se spaji lo nu pilno zo zo'e .i ba bo mi za'o se spaji
>
> .i mi na birti lo se nibli be lo nu lo jufra na vasru zo zo'e .iki'ubo
> zo sei cu mutce cizra fi lo su'emei

.i pe'i lo nu pilno zo zo'e secau lo krinu cu milxe cizra .i ku'i .u'i
li'a do zifre lo nu co'e

>  li'a lo zerle'a ja'a bilga lo nu na zerle'a  .i .a'o ro prenu cu
> jimpe lo du'u go'i

.i ia ro da go'i .i ku'i la'e di'u cu rubgau lo se darlu be le zerle'a

>> ni'o xajmi doi gejyspa .i ku'i .oi do nelci lo nu pencu du'e lo mi bangu nirna
>
> .i lo nu go'i cu  jibri be ba'e mi  zo'o

.u'i ki'e mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.