[lojban] la sapir.uorf. noi selsruma

[Pierre Abbat <phma@phma.optus.nu>]

ca le 199tu'omoi lo banske remskepre cu finti lo cnino ke tadni tadji lo nu 
cipra le krasi selsruma be la sapir .e la .uorf .i pa nuntadji cu se jalge lo 
nu lo se bangu be lo sferie lo se bangu be lo suomne (to jbisi'u xabju gi'e 
ku'i jicmu ficysi'u selbau toi) cu vajni frica lo jibri snuti 
nilcafne .iki'unaibo le'i jibri .e le'i tutra .e le'i flalu ja javni cu 
smisi'u .i lo sferie cu mutce mleca lo suomne lo nilcafne

ni'o karbi lo sferie lo suomne .i lo sferie noi xinjoiro'o cu basna lo datni 
be lo cibycimde canlu nunmuvdu .i lo suomne noi .ural.zei.altai* cu basna lo 
stodi terki'i be lo temci dacti .ija'ebo lo suomne cu ganzu lo briju fo lo nu 
basna lo sepli prenu peme'a lo temci terganzu do'e le zbasu pruce .i la'edi'u 
cu rinka lo cafne ke pruce nunzunti .e lo ka dusysutra .e lo snuti

cu'u la xavilynd .ezo'e do'e le 352moi papri be le 13moi velfarvi be la'e lu 
lo remske no'u le remna tertalsa li'u

*lo suomne cu bangrxurali .i lo tirkce cu bangrxaltai .iku'i so'e ca banskepre 
cu jivni lo du'u lo bangrxurali joi lo bangrxaltai na banjutsi

mu'omi'e .pier.
-- 
.i toljundi do .ibabo mi'afra tu'a do
.ibabo damba do .ibabo do jinga
.icu'u la ma'atman.

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.