Re: [lojban] Announcing la .xedbig., a new, private, moderated Lojbanic forum, with rules.

[Stela Selckiku <selckiku@gmail.com>]

de'i la'o .gy. 2010/9/15 .gy. la'o .sy. Jorge Llambías
<jjllambias@gmail.com> .sy. no'u la .xorxes. cu cusku lu
>
> .i ma smuni zo sivni do .i xu lo na'e cmima cu zifre lo nu tcidu .i
> a'o go'i .i pe'i ma'a na djica lo nu mipri la lojban lo munje .i pe'i
> lo nu lo cmima po'o cu zifre lo nu ciska cu na nabmi .i .e'u sivni
> jenai se mipri .i va'onai la'e di'u ta'i ma lo ba jbopre ba facki fi
> la xedbig
li'u

.i .u'u doi .xorxes. mi gasnu lo za'i ko'a goi lo se cusku be fo la
.xedbig. cu sivni lo la .xedbig. casnu .i mi milxe po'o xanka lo nu lo
na'e cmima cu za'e maldragau spuda ko'a .i .ie lo se go'i cu na lakne
.i ku'i cinmo lo drata lo sivni .i mi djica lo nu lo jbopre cu zifre
lo nu na'e xanka cusku ko'a .i .ia lo sivni cu snura te cinmo

ni'o la .lojban. ba na mipri .i ma'a finti so'i mlejbo .i ma'a cusku
fo so'i da .i mu'a mi cusku dei .i ku'i lo mutce citno po'o bangu cu
na'e sivni po'o se pilno .i mi so'i roi sivni bo tavla fo lo ma'a
mlebau .i ki'u lo nu sivni kei po'o do na djuno fi lo nu mi go'i .u'i

ni'o ta'o ranxi .i mipri lo dei nu casnu kei so'a jbopre lo za'i clani
je pluja jbosku

ni'o mi glico cusku zoi .gy.
>> 1. You must be nice.
>> 2. You may only speak in Lojban.
>> 3. You may not criticise or correct how other people use Lojban.
.gy. .i je la .xorxes. cu spuda di'u lu
>
> .i mi nelci lo remoi .e lo cimoi .i nandu fa lo nu pajni lo pamoi .i
> pe'i do djica lo nu lo prenu cu clite .iku'i lo nu xendo cu frica lo
> nu clite .i lo nu tinbe lo su'o javni cu banzu lo nu clite .i ku'i lo
> nu xendo cu se sarcu lo nu cinmo jimpe fi lo drata se nitcu
li'u

.i .ie sai pajni nandu .i na'e lakne fa lo nu mi vimcu lo jbopre la
.xedbig. ki'u lo za'i na'e xendo .i ku'i je'u mi pikci fi lo nu xendo
.i .ia lo jbopre cu xendo kakne .i .ia lo cmima be la .xedbig. cu
xendo zukte .i lo nu mi cusku lu ko xendo li'u cu ju'o cu'i sidju
mukti .i ji'a ta'o zo .xedbig. zo .litybig. cu xauzma lo nu cmene

ni'o lu li'o
> .i mi djica lo nu jorne
li'o li'u

.i'o .i mi do pu vi'ecpe la .xedbig. lo nu samymri .i do noi mutce
certu cu kakne lo nu ko'a mutce cinri

mi'e la stela selckiku
mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.