Re: [lojban] vrici cimei

[Michael Turniansky <mturniansky@gmail.com>]

2010/10/27 Jorge Llambías <jjllambias@gmail.com>:
> On Wed, Oct 27, 2010 at 9:31 AM, Michael Turniansky
> <mturniansky@gmail.com> wrote:
>> 2010/10/26 Jorge Llambías <jjllambias@gmail.com>:
>>>
>>> .i pe'i zo dukse cu banzu .i mi ro roi tai pilno .i lo mupli pe la
>>> selfri be la alis bei bu'u la selmacygu'e cu me
> [1]
>>>lu ku'i dukse lo ka
>>> manku kei lo nu ka'e viska li'u
> [2]
>>>jo'u lu mi ba mutce dukse lo ka darno
>>> do kei lo nu kurji do li'u
> [3]
>>>jo'u lu ku'i mi dukse lo ka jenca kei lo nu
>>> jungau li'u
> [4]
>>>jo'u lu simlu lo ka dukse lo ka se sfasa kei lo nu zukte
>>> lo drata be lo nu kalri moklu zutse gi'e gapru catlu lo drudi be lo
>>> kumfa li'u
>>
>>  mi tugni do lo du'u zo dukse cu drani je mapti mu'u ge lo pamoi
>> kujo'u lo vomoi ginai lo remoi kujo'u lo cimoi .i paunai ki'u ma ju'a
>> go'i .i ki'ubo lo remoi .e lo cimoi cu xusra lo du'u la'e zo mi cu  se
>> ckaji .i ku'i la'e zo mi na se ckaji .i la'e zo mi cu prenu je ckaji
>> .i mi djica lo valsi poi skicu ge da poi ckaji de ginai de
>
> ko'a dukse ko'e .ijo ge ko'a ckaji ko'e gi ko'a klani li pi du'e ko'e
> .i lo dukse cu ckaji gi'e nai se ckaji .i ta'o lo dukse va'o lo pa moi
> fa'u vo moi mupli cu vanbi fa'u prenu

.i mi toltu'i ga'i nai .i lu ti dukse lo solji lo nu mi bevri li'u cu
mupli lo ka drani kei lo'i jufra noi pilno zo dukse vau pe'i .i si'a
lu lo vu jenmi cu dukse lo prenu lo nu gunta ce'u li'u cu go'i .i ku'i
pe'i lu  mi dukse lo ka  tordu li'u na drani .i da'i lo nu mi jinvi lo
du'u go'i keikei paunai mi jinvi lo du'u lu  ku'i dukse lo ka manku
li'o li'u .e  lu simlu lo ka dukse lo ka se sfasa li'o li'u cu drani
kei fo ma .i se krinu lo nu le bridi na vasru lo pamoi sumti  .ija'ebo
lo tcidu ka'e setca lo se djica .i mi se xanri tcidu lu lo se ckaji be
lo vanbi to lo ricfoi ji lo nicte toi cu dukse lo ka manku kei lo nu
ka'e viska li'u .i go'i lu lo se ckaji be makau cu simlu lo ka dukse
lo ka se sfasa kei lo nu zukte lo drata be lo nu kalri moklu zutse
gi'e gapru catlu lo drudi be lo kumfa li'u .i to'u la jbovlaste xusra
lo du'u smuni zo dukse fa la'o gy. x1 is an excess of/too much of x2
by standard x3. gy .enai la'o gy. x1 is too/excessively/characterized
by an excess of x2 by standard x3 gy.

           --gejyspa

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.