[lojban] klama la vonplin

[Michael Turniansky <mturniansky@gmail.com>]

re kesli'u cu tolyli'a la vonplin .i lo ky terzu'e zo'u nu facki lo
du'u xukau loi kijno cu zvati le plini

.i lu ko dunda le cmata'e be lo sacki mi li'u se cusku pa kesli'u  goi
ko'a .i lu go lo sacki cu jelca gi kijno li'u go'i

.i ko'a te dunda le cmata'e gi'e bredi lo nu mosygau fi lo sacki .i
uasaidai lo vonplini selterdi cu tolcanci tai lo sligau be ro lo birka
be ty  gi'e krixa lu ko sisti li'u

.i lo re kesli'u cu simxu catlu gi'e xanka .i xu no'e te facki
pojyka'e bo gapci bu'u la vonplin

.i e'inai ko'a cpacu lo drata sacki .ije lo barda bende be lo fenki
vonplini selterdi cu klama .ije ro ri slidau lo birka gi'e krixa lu
ienai o'unai ko sisti li'u

.i lo bi'u kesli'u cu cusku lu simlu lo ka vajni .i ma ta selte'a li'u

.i ko'a spuda fi lu u'o eiro'a mi'o zvati ti te zu'e lo saske no'u lo
nu facki lo du'u xukau lo nu loi remna cu vasxu se di'o la vonplin cu
cumki

.i semu'ibo ko'a mosygau fi lo sacki .i ri co'a jelca gi'e ca'o jelca
gi'e co'u jelca .i uecai  fadni

.i semu'ibo ko'a te preti fo le vonplini selterdi fi lu mu'i ma do
troci lo nu fanta lo nu mi'a mosygau fi lo sacki

.i lo jatna selterdi cu cusku lu ca lo cabdei cu brosurdei li'u

                       --gejyspa

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.