Re: [lojban] lo drata darlu

[Jorge Llambías <jjllambias@gmail.com>]

On Thu, Jan 20, 2011 at 3:03 AM, Luke Bergen <lukeabergen@gmail.com> wrote:
> mi joi lo mi mamymensi cu casnu lo cinri
> .i da'i lo drata prenu goi ko'a cu bazi mrobi'o .ije da'i do kakne lo nu do
> mrobi'o ja'e lo nu ko'a na mrobi'o .i xu do roroi bilga tu'a go'i

pe'i do no roi bilga lo nu mrobi'o .i do zifre lo nu friti lo do
nunjmive se va'u lo drata .i ku'i na bilga

> .i lo mamymensi cu bacru lu do na kakne lo nu prane djuno lo du'u do zmadu
> ko'a lo ka vajni

.i vajni ma ma .i ji'a lo nu ko'a zmadu ko'e lo ka vajni ko'e na nibli
lo nu ko'e zmanei lo nu ko'a jmive kei lo nu ko'e jmive

>.i setese notci la .jesus. lu lo nu da randa lo ba se lifri
> ja'e lo nu de na mrobi'o kei kei traji sinxa lo nu da prali de li'u .iku'i
> mi bacru lu bebna lo nu sruma lo du'u lo ba se lifri be do cu mleca lo ba se
> lifri be ko'a .i da'i ko'e baza facki lo micyske be fi la .kanser. .i xu
> xamgu fa lo nu ko'e mrobi'o ja'e lo nu ko'a no'u catra cu na mrobi'o .ue
> .i do pensi ma

ge nai ko'a gi nai ko'e cu bilga lo nu friti lo nu jmive .i lo nu
makau zmadu makau lo ka vajni cu na srana la'e di'u

> .i zmadu fi'a lo nu sevtolmrobi'o rinka va'o lo nu lakne lo nu do zmadu
> vajni keikeikei fi'a lo nu roroi sruma lo nu ko'a zmadu do lo ka ko'a nitcu
> lo nu jmive keikei fi lo ka do jinvi lo nu ce'u xamgu

.yyyy sa'u pei

mu'o mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.