2011/1/20 Luke Bergen
<lukeabergen@gmail.com>
.oicai .i pe'i na nibli lo nu lo minji cu xlali je palci
.i lo minji no'e palci gi'e no'e vrude .ije tu'a ba'e ma'a se palci ja se vrude .i seni'ibo lo minji xlali lo nu turni ma'a
mi'a jamna do'o
.i va'obo ro minji cu cupra lo xarci
.i lo prane menli pruce to noi da'i minji toi cu pensi lo cinmo gi'e jimpe lo nu vajni fa lo nu da cinmo .iku'i pymypy cu certu je prane jdice mu'inai lo nu vo'a cinmo .ija'obo lo turni cu na se prali lo li'i ty cinmo
do skicu lo turni poi minji je prane .iku'i lo nu da zbasu lo minji be de kei se sarcu lo nu da kakne de .i ja'o do na nitcu lo minji ni'i lo za'i lo prane turni cu zasti pu'o lo nu zbasu
.i ku'i ma'a djuno lo du'u lo prane turni na zasti gi'anai jai se djuno ma'a
.izu'unai mi skicu lo pruce be fi lo za'i ma'a djuno lo ka prane kei roda .i pe'i le te go'i cu banzu so'a da